У сталічным гандлёвым цэнтры пройдуць контратэрарыстычныя вучэнні

18 красавіка міліцыя супольна з МНС правядуць планавыя контратэрарыстычныя вучэнні на тэрыторыі менскага гандлёвага цэнтру «Palazzo».

ГЗЦ «Palazzo» ў Менску.

Фота: ТРЦ Palazzo / Facebook

Вучэнні пройдуць уначы, падчас іх будуць правяраць гатовасць дзяржаўных органаў да ўзаемадзеяння і рэагавання на акты тэрарызму, піша БелТА, спасылаючыся на ГУУС Менгарвыканкаму.

Асноўнымі задачамі вучэнняў называюць павышэнне ўзроўню падрыхтаванасці і зладжанасці дзеянняў пры спыненні нападаў дыверсійных разведгрупаў і незаконных узброеных фармаванняў.

Акрамя таго, падчас вучэнняў, як паведамілі ў сталічнай міліцыі, будзе выкарыстоўвацца службовая тэхніка.

Верагодна, нагодаю для правядзення вучэнняў мог паслужыць тэракт, што адбыўся 22 сакавіка ў маскоўскай канцэртнай зале «Crocus City Hall». Ахвярамі тэракту сталіся 145 чалавек, улучна з грамадзянамі Беларусі. Пазней Следчы камітэт РФ завёў крымінальную справу ў дачыненні працаўнікоў цэнтру, у якім была канцэртная зала.

Раман Шавель belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ