У Беларусь прыбылі расейскія танкі, якія прымуць удзел у парадзе 3 ліпеня

У нашую краіну 8 чэрвеня з Расеі прыбылі 10 танкаў Т-34. Яны прымуць удзел у парадзе 3 ліпеня ў Менску, прысвечаным 80-годдзю вызвалення Беларусі ад нямецка-фашысцкіх захопнікаў, паведамляе Міністэрства абароны Беларусі.

Расейскія танкі Т-34 прыбылі ў Беларусь для ўдзелу ў ваенным парадзе 3 ліпеня.

Фота: modmilby / Telegram

«Танкі Т-34 дастаўленыя з Расейскай Федэрацыі. Жыхары і госці сталіцы ўбачаць 10 легендарных танкаў Перамогі на ваенным парадзе ў Менску», – распавяла прэс-служба Мінабароны.

Расейскія танкі «гатовыя не толькі прайсці ўрачыстым маршам на парадзе, але і пры неабходнасці выканаць баявую задачу», заявіў намеснік начальніка ўзбраення Узброеных сілаў Беларусі палкоўнік Сяргей Томчык:

«Асобныя з іх прымалі ўдзел сёлета ў парадзе на Чырвонай плошчы 9 траўня, а таксама ў іншых рэгіёнах Расейскай Федэрацыі. З наступнага тыдня дадзены парадны разлік прыме ўдзел у падрыхтоўцы механізаванай калоны войскаў, якія ўдзельнічаюць у парадзе войскаў Менскага гарнізону на аэрадроме Ліпкі».

Акрамя танкаў, у парадзе будуць упершыню ўдзельнічаць АТРК «Іскандэр-М», а таксама іншыя «толькі новыя і мадэрнізаваныя ўзоры вайсковай тэхнікі», якіх агулам будзе больш за 250 адзінак. Будзе задзеяная авіяцыя – баявыя самалёты і верталёты. Парадныя разлікі прадставяць Мінабароны, МУС, Дзяржаўны памежны камітэт, МНС, Следчы камітэт, кадэцкія вучэльні і спецыялізаваныя ліцэі. Прымуць удзел больш за 6000 вайскоўцаў.

Ваенны парад у Менску адбудзецца 3 ліпеня каля стэлы «Менск – горад-герой». Генеральныя рэпетыцыі пройдуць 29 чэрвеня і 1 ліпеня на праспекце Машэрава і каля стэлы.

З 16 траўня ў Менску перакрываюць рух на некаторых вуліцах, дзе праходзяць рэпетыцыі параду 3 ліпеня.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ