Літва забараняе карыстацца на сваёй тэрыторыі прычэпамі і паўпрычэпамі, зарэгістраванымі ў Беларусі

Прычэпы і паўпрычэпы, зарэгістраваныя ў Беларусі, у тым ліку, калі яны буксуюцца цягачамі з рэгістрацыяй іншых краінаў, мусяць да 10 ліпеня ўключна пакінуць тэрыторыю Літвы, паведамляе літоўская мытня.

Выява мае ілюстрацыйны характар.

Фота: Карына Пашко / Белсат

Прычына патрабавання – новыя санкцыі Еўразвязу ў дачыненні Беларусі. Мытня Літвы спасылаецца на Рэгламент ЕЗ №2024/1865 ад 29 чэрвеня аб унясенні змяненняў у Рэгламент ЕЗ № 765/2006 аб абмежавальных мерах супраць Беларусі ў сувязі з яе саўдзелам у агрэсіі Расеі супраць Украіны.

Пасля ўнясення змяненняў у Рэгламент, аўтатранспартным кампаніям было забаронена ажыццяўляць перавозкі грузаў па тэрыторыі Еўразвязу прычэпамі і паўпрычэпамі, зарэгістраванымі ў Беларусі, нават у выпадку, калі яны буксуюцца седлавымі цягачамі з рэгістрацыяй у іншых краінах, у тым ліку ў Літве.

Рэгламент уступіў у сілу 1 ліпеня, аднак, паколькі бізнес не паспеў падрыхтавацца да новых патрабаванняў, быў усталяваны тэрмін да 10 ліпеня ўключна.

4 ліпеня беларусы на польскай мяжы сутыкнуліся з тым, што амаль з ніякімі таварамі ў Беларусь аўтамабілі не пускалі, «Белсат» звярнуўся з вялікім спісам пытанняў у аддзяленне дарожнай мытні ў Тэрэспалі, каб зразумець, як зараз адбываецца дагляд рэчаў і якія менавіта тавары забаронена вывозіць з Польшчы ў Беларусь. У адказе мытня спаслалася на той жа Рэгламент ЕЗ №2024/1865 ад 29 чэрвеня.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ