Праект «MAYDAY TEAM» паведаміў, што ініцыятыву «Маці-328», якая аб’ядноўвае сем’і асуджаных за наркотыкі, залучылі ў негалосны «чорны спіс», праз што стала немагчыма ствараць петыцыі. Акрамя таго, актывістам адмовілі ў сустрэчы з старшынёю Савету Рэспублікі Наталляй Качанавай, бо яна «раздражнёная тэмаю».
Пра тое, што грамадзянская ініцыятыва «Маці-328» трапіла ў апалу, сталася вядомым, калі актывістам не дазволілі сустрэцца з кіраўніцаю Савету Рэспублікі Наталляй Качанавай. У сярэдзіне красавіка быў анансаваны асабісты прыём чыноўніцы ў Менску і Жлобіне. Актывісты здолелі запісацца.
«Спачатку ім зычліва сказалі, што заяўкі прынятыя, і ім перазвоняць, каб удакладніць, колькі асобаў і ў які час прыйдуць на прыём. Аднак пазней неафіцыйна актывістам руху далі зразумець, што Наталля Качанава раздражнёная тэмаю», – паведамляе «MAYDAY TEAM».
Да актывістаў давялі, што ўлады больш не маюць намеру абмяркоўваць праблемы асуджаных за злачынствы, звязаныя з наркотыкамі. У выніку ад Качанавай не перазванілі і на сустрэчу з ёю не паклікалі.
Акрамя таго, «Маці-328» сутыкнуліся з немагчымасцю апублікаваць петыцыю на адмысловых старонках, бо атрымалі адмову ад мадэратараў, якія маюць «чорны спіс» забароненых тэмаў.
«Маці-328» змагаюцца за змякчэнне пакарання за нарказлачынствы. Актывісты ўпэўненыя, што фігурантам такіх справаў даюць несувымерныя тэрміны, праз што тысячы маладзёнаў ва ўзросце ад 14 гадоў трапілі ў калоніі ў сярэднім на 10 гадоў. Акрамя таго, ініцыятыва просіць аб амністыі для асуджаных паводле гэтых артыкулаў.
Артыкул 328-ы Крымінальнага кодэксу прадугледжвае, што за захоўванне, пакупку, выраб і перавоз любой колькасці любога наркотыку без мэты збыту пагражае абмежаванне або пазбаўленне волі на тэрмін ад 2 да 5 гадоў. За тое ж самае, толькі з мэтаю збыту – ад 3 да 8 гадоў, прычым збытам лічыцца любое перадаванне наркотыку іншай асобе, нават не за грошы.
Калі ў справе будзе фігураваць «незаконны абарот наркотыкаў у буйным памеры» (напрыклад, для марыхуаны гэта 80 грамаў, а для гераіну – больш за 1 грам), то пасадзяць на тэрмін ад 6 да 15 гадоў.
Hавiны
Каго з зорак злавілі з наркотыкамі, і што ім за гэта было
2021.04.16 17:39
Сцяпан Кубік belsat.eu
Zgłoś naruszenie/Błąd
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS