Амерыканскія сенатары папярэдне ўхвалілі законапраект пра дапамогу Украіне

Сенат ЗША 23 красавіка ўхваліў разгляд законапраектаў пра дапамогу Украіне, Ізраілю і Тайваню агульным памерам 95 мільярдаў долараў. Фінальнае галасаванне па гэтых гадзінах мае адбыцца найбліжэйшым часам.

Капітолій ЗША.

Фота: pexels.com

Разгляд законапраекту ў Сенаце ЗША сутыкнуўся з тым, што два сенатары рэспубліканцы – Эрык Шміт і Майк Лі – скардзіліся на тое, што ім не даюць унесці праўкі ў дакументы. У гэтым іх падтрымаў незалежны сенатар Бэрні Сандэрз, які раней прадстаўляў дэмакратаў. Але прапанову Лі адносна больш працяглага вывучэння дакументу ў верхняй палаце Кангрэсу ЗША сенатары не падтрымалі.

Пасля гэтага сенатары прагаласавалі за тое, каб завяршыць абмеркаванне і паставіць законапраект пра дапамогу Украіне на канчатковае зацвярджэнне. Гэта падтрымалі 72 сенатары пры 13 тых, хто быў супраць.

Лідар дэмакратаў у Сенаце Чак Шумэр у сваім выступе падзякаваў лідарам абедзвюх партыяў, адзначыўшы, што прыняцце законапраектаў з’яўляецца прыкметай таго, што двухпартыйнасць жывая і і здольная развязаць невырашальныя партыйныя тупікі.

Упэўненая большасць, якая выказалася за заканчэнне спрэчак, сведчыць пра высокую верагоднасць выніковага прыняцця законапраектаў Сенатам. Гэта можа адбыцца ў аўторак ці ў сераду паводле мясцовага часу.

Іншыя законапраекты аб замежнай дапамозе – Ізраілю, Тайваню, а таксама пакет разнастайных захадаў ад забароны Tiktok да продажу расейскіх суверэнных актываў на карысць Украіны – таксама пераадолелі парог, неабходны для выстаўлення на галасаванне ў Сенаце.

Прэзідэнт ЗША Джо Байдэн раней выказваў гатовасць падпісаць іх усе.

Палата прадстаўнікоў ЗША пасля доўгіх затрымак ухваліла законапраекты аб дапамозе Украіне, Ізраілю і Тайваню 20 красавіка. Пры гэтым большая частка амерыканскай зброі з пакету дапамогі для Украіны ўжо размешчаная ў Еўропе.

Якуб Хруст belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ