Выданне «The Insider» апублікавала журналісцкае расследаванне пра тое, як танталавыя кандэнсатары – незаменны элемент электронікі для ракетаў і беспілотнікаў – трапляюць у Расею. Як высветліліся, пастаўкі ідуць у тым ліку праз краіны Еўразвязу.
Выданне «The Insider» апублікавала журналісцкае расследаванне пра тое, як танталавыя кандэнсатары трапляюць у Расею.
Фота: theins.ru
Як зазначае выданне, у Расеі танталавыя кандэнсатары практычна не выпускаюць, але, нягледзячы на санкцыі, дэфіцыту не адчувае ні адна галіна, нават вайсковая. Дакладна вядома, што імпартныя дэталі ідуць ва ўзбраенні, якія Расея ўжывае супраць Украіны, – напрыклад у дроны-камікадзэ тыпу «Шагэд», разведвальныя беспілотнікі «Карсар» і ракеты X-101.
Сярод дэталяў ракет і беспілотнікаў, якія ўдалося ідэнтыфікаваць, – кандэнсатары вытворчасці Kyocera AVX, Vishay і KEMET Corporation.
«Усе гэтыя кампаніі маюць галаўныя офісы ў ЗША, аднак дэталі іх вытворчасці нейкім чынам аказваюцца ў Расеі, а заканчваюць свой лёс у ракетах, якімі абстрэльваюць украінскія гарады», – зазначае выданне.
Буйная японска-амерыканская кампанія Kyocera AVX мае вытворчасць у Сальвадоры. Як высветліў «The Insider», менавіта вырабленай у Сальвадоры электронікай AVX аснашчаны расейскія ракеты. Цяпер амаль усе сальвадорскія танталавыя кандэнсатары ў РФ увозяцца праз Кітай.
Паводле «The Insider», танталавых кандэнсатараў вытворчасці ізраільскага заводу Vishay паступіла ў Расею ў 2023 годзе прыкладна на $1,3 млн. Аднак як і ў выпадку з Kyocera AVX, ніякія партыі не дастаўляліся непасрэдна з Ізраілю. Кандэнсатары прыязджалі на расейскую мытню з Кіпра, з Вугоршчыны, а галоўным чынам – з Кітая і Ганконгу.
Кампанія Kemet паставіла за 2023 год у Расею танталавых кандэнсатараў Kemet на суму не менш як $6 млн. Кандэнсатары пападаюць у Вугоршчыну з Ганконгу, а затым з дапамогай вугорскай гандлёвай кампаніі Matrix Metal Group Kft. увозяцца ў Расею.
«The Insider» зазначае, што дарога праз ЕЗ для тавараў падвойнага прызначэння аказваецца найбольш зручнай, нягледзячы на ўсе санкцыі. Увозіць у Расею танталавыя кандэнсатары – як і некаторыя іншыя падсанкцыйныя тавары – дапамагаюць літоўскія мытныя брокеры. Гэтак, у пастаўках кандэнсатараў удзельнічалі Vinges Terminalas і Autoverslo Logistika. Яны не толькі афармлялі паперы для мытні, але, мяркуючы па дэкларацыях, якія знаходзяцца ў распараджэнні «The Insider», увозілі дэталі ў Літву, каб потым пераправіць іх у Расею.
Глеб Нержын belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS