Pogodomy se po ślonsku. Kożdy dziyń momy prima aprilis. Robiom nos za bozna i cyganiom wiela wlezie

W Srogym Poście, kej downi niy przistoło ani se „pomaścić” (tłusto zjeść) ani „amizyrować” (tyż „balandrować” – wesoło bawić, tańcować), roz szło robić inkszych „za bozna” (żartować, ośmieszać). Prima aprilis mianowało sie tyż dniym „wicow” (kawałów), „szpasu” (żartów) i gupielokow. I jak ftoś wtynczos żodnego niy nabroł, to był ś niego „mamlas” (oferma) i łostatni „ćućmok” (ciamajda).

Za bozna ludzie robiyli jedyn drugego, a „cajtongi” (gazety) i radyjoki wszyskich kerzi je cytali i suchali. Dzisiej nojgorsze jes to, że ciynszko „spokopić” (zrozumieć) co jes „znokwione” (wymyślone), a co prowdziwe. Bo tak po prowdzie, to kożdy dziyń momy prima aprilis. Robiom nos za bozna, nudle nom wiyszajom na „morchlach” (tyż „daklach” – uszach), cyganiom wiela wlezie i łobiecujom „byrny” (gruszki, ale tyż żarowki) na wiyrzbie. Jo już nawet „przibadała” (przyzwyczaiłam się) na godka, że niy ino byda sie mieć coroz lepi, ale że już mom wiyncy piniyndzy w bajtliku i wszysko moga se „lajstnońć” (pozwolić).

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ