Pogodomy se po ślonsku. Gromnica zimy połowica

Koniec ze śpiywaniym kolyndow i łoglondaniym w kościołach betlyjkow. Downi po Godach „gojikami” (choinkami) „hajcowało” (paliło) sie w żeleźnioku.

Ale przodzi prastarzik „Wicek” (Wincenty) strugali ś nich „rogolki” (tyż „fyrlaczki” – mątewki). Sztucne „stromy” (drzewa) wynosiyło sie na „gora” (strych) z „ćaćkami” (ozdobami) i „blyndkami” (lampkami). Bo poleku trza było rychtować „plac” (miejsce) „hazokowi” (zajączkowi) i „agnuskowi” (barankowi).

Ale przodzi bydzie Świynto Łofiarowania Pańskego, inacy Matki Boski Gromniczny abo Niydźwiedzi, bo Nojświyntszo Paniynka poradziyła tyż łodganiać „bery” (niydźwiedzie). I niy ino łone, ale nawet wilki. W tyn dziyń kożdo rubo świycka – łod chrztu, z rocku abo piyrszy komunie, po poświyncyniu jes gromnickom. Bo w żodnym „konzomie” (sklepie) poświyncony gromnicki niy kupiymy.

Zgłoś naruszenie/Błąd