Pogodomy se po ślonsku. Betlyjkorze z miechym i szporkasom

Łod 2011 roku momy „fraj” (wolne) w Świynto Trzech Krolow. Wziyni nom je w 1960, bo niykerym zacło „zawodzać” (przeszkadzać). Ale ludzie do fajrowanio 6 stycnia nawykli i som radzi, że wele chałpkow i familokow szpacerujom terozki niy ino Kasper, Melchior i Baltazar, ale tyż „kamele” (wielbłądy), konie, „wojoki” (żołnierze), janioły i bajtle.

Kasper – tyn, kery dowoł pozor szporkasy

Fto to byli te Trzi Krole? Skond pochodziyli, „kaj” (gdzie) „reskiyrowali” (rządzili) i co prziniyśli Dzieciontecku w „gyszynku” (prezencie)? Ponoć były to myndrce abo magi. Jedyn był „nyjger” (Murzyn), drugi stary, a trzeci „modziok” (młodzieniec). „Miana” (imiona) nadali jym dopiyro niyskorzi. Jednymu dali „Kasper” (Kacper) – tyn, kery „dowoł pozor” (pilnował) „szporkasy” (skarbonki) i to łon mog Ponjezuskowi „przismycyć” (przytaszczyć) złoto. Zaś u nos „kasper” to pajac, a „hampelman” to kasper na sznurku.

Zgłoś naruszenie/Błąd