NYT: Расея паскардзілася ЗША, што Украіна рыхтуе «таемную аперацыю»

Выданне «The New York Times» паведаміла, што міністр абароны РФ Андрэй Белавусаў два тыдні таму патэлефанаваў міністру абароны ЗША Лойду Остыну і паскардзіўся на аперацыю, якую нібыта рыхтавала Украіна.

Як зазначае BBC, пра тэлефонную размову расейскага і амерыканскага міністраў абароны бакі афіцыйна паведамілі 12 ліпеня. Гэта ўвогуле рэдкая і дзіўная падзея: з пачатку поўнамаштабнага ўварвання Расеі ва Украіну Остын размаўляў з расейскім міністрам абароны ўсяго пяць разоў, амаль заўсёды – з ініцыятывы ЗША. 12 ліпеня размова была ініцыяваная РФ, але аніякіх падрабязнасцяў тады вядома не было: медыі толькі коратка згадалі гэты факт.

Цяпер газета «The New York Times» апісала некаторыя дэталі размовы. Са спасылкай на трох чыноўнікаў газета піша, што расейскі бок паведаміў пра нібыта плануемую Кіевам з дазволу амерыканцаў таемную аперацыю супраць Расеі. Белавусаў, піша NYT, спытаў Остына, ці ведаў Пентагон пра яе і пра тое, што яна можа прывесці да абвастрэння напружанасці паміж Масквою і Вашынгтонам.

У чым заключаўся план украінскага боку, невядома. Але «The New York Times» піша, што прадстаўнікі Пентагона нічога пра яго не ведалі. Усе ананімныя крыніцы NYT пацвердзілі, што словы Белавусава былі ўспрынятыя вельмі сур’ёзна.

«Амерыканцы звязаліся з украінцамі і, па сутнасці, сказалі: калі вы думаеце пра тое, каб зрабіць нешта падобнае, не рабіце гэтага», – піша амерыканская газета.

«The New York Times» дадае, што ўкраінскія афіцыйныя асобы не заўсёды празрыстыя з амерыканскімі калегамі ў дачыненні сваіх ваенных аперацыяў, асабліва супраць цэляў у тыле. І гэтыя аперацыі расчароўваюць амерыканскіх чыноўнікаў, якія мяркуюць, што яны не толькі не паляпшаюць пазіцыі Украіны на полі бою, але і рызыкуюць адапхнуць еўрапейскіх саюзнікаў Кіева, піша выданне.

Глеб Нержын belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ