У базавым сцэнары беларуская эканоміка ў 2024 годзе вырасце на 2,1 %. Абноўлены макрапрагноз сёння прадставіў эканаміст BEROC Анатоль Харытончык. Паводле яго, прагноз адносна росту ВУП палепшыўся на 0,5 працэнтнага пункту, паведамляе Reform.
Здымак мае ілюстрацыйны характар.
Фота: Белсат
«Рост эканомікі ў нас у першым квартале, увогуле, некалькі перавысіў чаканні, але яго якасць была даволі нізкай. Гэта значыць эканоміка ў нас працягнула перагравацца на фоне высокага спажывецкага попыту і зрушанага росту ў Расеі», – сказаў эканаміст.
Паводле Анатоля Харытончыка, прагноз быў падвышаны з улікам вынікаў беларускай эканомікі ў першым квартале, а таксама павелічэння адзнак росту расейскай эканомікі.
Паводле базавага сцэнара прагнозу BEROC, гадавая інфляцыя ў 2024-м складзе 6,1 %, сярэднегадавы курс долара – 3,29 рубля, а расейскага рубля – 3,57 беларускага рубля за 100 расейскіх. Сярэдні заробак прагназуецца на ўзроўні 2187 рублёў у сярэднім за год.
«У 2025 годзе эканоміка можа запаволіцца, яе рост будзе недзе ў раёне за нуль, бо будзе ісці карэкцыя, балансаванне пасля стану перагрэву», – сказаў Харытончык.
Паводле базавага сцэнара, кантроль цэнаў у Беларусі застанецца цвёрдым. Яго паслабленне можна чакаць толькі пасля заканчэння палітычнай кампаніі ў 2025 годзе.
Міжнародны валютны фонд (МВФ) таксама змяніў у лепшы бок прагноз пра перспектывы росту беларускай эканомікі ў 2024 годзе. У МВФ мяркуюць, што ВУП Беларусі сёлета вырасце на 2,4 %. Гэта на 1,1 працэнтныя пункты больш за кастрычніцкі прагноз.
Прагнозы МВФ і BEROC лепшыя для беларускай эканомікі, чым прадказваюць Сусветны банк (1,2 %) і нават Еўразійскі банк развіцця (2 %). Аднак гэта істотна менш за тое, што сабе запланавалі ўлады Беларусі – 3,8 %.
Якуб Хруст belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS