«BELPOL»: Беларуская міліцыя спрабуе зарабіць на тэракце ў «Крокусе»

На наступны дзень пасля тэракту ў падмаскоўным гандлёва-забаўляльным цэнтры «Crocus City Hall» 22 сакавіка 2024 года міністр унутраных справаў Беларусі Іван Кубракоў выдаў распараджэнне аб дадатковых захадах для павышэння бяспекі ў месцах масавага перабывання людзей. Цяпер міліцыя абавязвае арганізацыі заключаць дамовы з МУС аб ахове і рабіць іншыя захады, на якія патрэбныя грашовыя выдаткі, паведамляе «BELPOL».

Міністэрства ўнутраных справаў Беларусі.

Крыніца: mlyn.by

Распараджэнне Кубракова абавязала міліцыянтаў правесці «комплекс аператыўна-прафілактычных захадаў». Каб выканаць гэты загад, сілавікі пачалі рассылаць па розных арганізацыях і ўстановах прадпісанні пра неабходнасць:

• правесці інструктыўныя размовы ў калектывах з удзелам прадстаўнікоў МУС і МНС на тэму папярэджання надзвычайных сітуацыяў;
• заключыць дамовы з падраздзяленнямі Дэпартаменту аховы МУС аб фізічнай ахове аб’ектаў;
• абсталяваць уваходныя групы будынкаў металадэтэктарамі;
• сістэматычна інфармаваць насельніцтва праз гукаўзмацняльную сувязь аб правілах бяспечных паводзінаў на аб’ектах і дзеяннях пры ўзнікненні надзвычайных сітуацыяў.

Міліцыя тлумачыць неабходнасць гэтых захадаў тым, што ў Беларусі нібыта «маюцца пагрозы здзяйснення супрацьпраўных дзеянняў у месцах масавага перабывання грамадзянаў – на канцэртах і спартовых пляцоўках, у гандлёвых цэнтрах, на рынках, аб’ектах грамадскага харчавання, установах адукацыі, што патрабуе дадатковых папераджальных захадаў».

Аднак, як паведамляюць крыніцы «BELPOL», насамрэч сілавікі кіруюцца не клопатам пра бяспеку грамадзянаў, а спрабуюць падстрахавацца на выпадак нейкіх здарэнняў, маўляў, мы загадзя ўсіх папярэдзілі, а таксама «стварыць масавы псіхоз на фоне расейскіх падзеяў і зарабіць на гэтым як іміджава, займеўшы вобраз абаронцы, гэтак і фінансава – падвысіць выручку Дэпартаменту аховы МУС».

Увечары 22 сакавіка перад канцэртам гурта «Пікнік» у маскоўскай канцэртавай зале «Crocus City Hall» адбылася масавая страляніна, прагучалі выбухі, адбыўся пажар. Ахвярамі тэракту сталіся 145 асобаў, у тым ліку грамадзяне Беларусі.

Адказнасць за напад узялі прадстаўнікі «Ісламскай дзяржавы», аднак улады Расеі працягваюць настойваць на ўкраінскім следзе.

Па Беларусі прайшла хваля затрыманняў за каментары пра тэракт у Падмаскоўі. Паводле праваабаронцаў, былі арыштаваныя як мінімум 12 чалавек.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ