30 ліпеня ў Беларусі зноўку непагадзь – навальніцы і моцны вецер

Праз моцны вецер у Беларусі на 30 ліпеня абвешчаны аранжавы ўзровень небяспекі, паведамляе «Белгідрамет». Разбурэнні пасля ўчорашняй непагадзі аднаўляюць дагэтуль. 

Ілюстрацыйнае фота.

Крыніца: АЗ / Белсат

Нагадаем, учора ў Беларусі два чалавекі пацярпелі ў выніку падзення дрэваў падчас навальніцы, некалькі сотняў паселішчаў зазналі перабоі з электрычнасцю.

Сёння прагнозы таксама не лепшыя. На аўторак, 30 ліпеня, сіноптыкі прадоўжылі аранжавы ўзровень небяспекі праз моцны вецер. На большай частцы тэрыторыі пройдуць дажджы. У асобных раёнах прагрымяць навальніцы з парывамі ветру да 14 м/с, а днём месцамі да 15 – 20 м/с. Тэрмометры пакажуць +20… +22 °C.

Памятайце, ад маланкі і моцнага ветру нельга хавацца пад дрэвамі. Лепш быць мокрым, але жывым. Таксама не стойце каля рэкламных шчытоў, лёгкай агароджы, любых ненадзейных канструкцыяў, прыпынкаў грамадскага транспарту, бо яны маюць вялікую паруснасць і могуць вас накрыць.

У любым месцы падчас навальніцы трэба асцерагацца ЛЭП, не падыходзіць да іх, нават калі бура скончыцца. Таксама лепш пазбягаць мастоў, пуцеправодаў, павільёнаў, – усяго, што можа на вас упасці.

Самае простае і відавочнае ў горадзе – забегчы ў пад’езд, краму, любое памяшканне побач. Калі такіх няма – таксама трэба шукаць любую няроўнасць у глебе: яміну, канаву і падобнае. Гэта ўвогуле ўніверсальнае правіла ратавання ад раптоўнага ўрагану.

Калі навальніца заспела вас у дарозе, трэба найперш спыніцца, пажадана там, дзе няма дрэваў, і ўключыць аварыйную сігналізацыю. Калі вы на пляжы і пачынаецца бура, лепш заставацца там, дзе вы і былі – на пяску.

Надзея Вольная belsat.eu 

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ