Міністр эканомікі патлумачыў, чаму ў Беларусі моцна падаражэла бульба

Першы намеснік міністра эканомікі Андрэй Картун абвінаваціў у гэтым маладую бульбу, асабліва – азербайджанскую.

Маладая бульба сёлета ў Беларусі не з Егіпту, а з Азербайджану.

Фота: Белсат

«Кошты бульбы нарабілі шмат шуму. Аднак нагадаю, у гэты перыяд адбываецца змена асартыменту: старая бульба, якую мы елі на працягу ўсёй зімы, сыходзіць, з’яўляецца новая. У канцы красавіка ці маі ў нас традыцыйна зʼяўлялася егіпецкая бульба, сёлета яна не з’явілася. Імпартная маладая бульба зʼявілася толькі пазней, і тое не егіпецкая, а азербайджанская. Натуральна, усё заўважылі адразу розніцу коштаў. Але мы ўжо бачым па аператыўцы, што ў ліпені гэты ўзровень коштаў запавольваецца. Зʼяўляецца ўжо маладая бульба ад нашых фермераў. Таму пачынаючы са жніўня і далей кошт будзе рэзка зніжацца, як мы бачым па іншых таварных пазіцыях, напрыклад, па агурку», – распавёў Картун «Белта».

Картун таксама падзяліўся сваім аптымізмам наконт узроўню інфляцыі. Кажа, рызык яе павышэння ўвогуле няма.

«Інфляцыя як мінімум складзецца паблізу ад мэтавых параметраў. І мы прымем меры для таго, каб яна была яшчэ ніжэйшай».

Па дадзеных Мінэканомікі, гадавая інфляцыя ў чэрвені ў Беларусі была на ўзроўні 5,8%, а гэта ў межах гадавога арыенціра ў 6%.

Тэса Анэйда / belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ