Каардынацыйная рада абрала спікерку і віцэ-спікерку

Каардынацыйная рада трэцяга склікання абрала спікеркай Анжэліку Мельнікаву, а віцэ-спікеркай – Станіславу Гліннік. Галасаванне завяршылася 11 ліпеня а 19:30, паведамляе прэс-служба Каардынацыйнай рады.

Здымак мае ілюстрацыйны характар. Каардынацыйная рада арганізуе слуханні прадстаўнікоў Аб’яднанага пераходнага кабінета. Варшава, Польшча. 3 жніўня 2023 года.

Фота: Белсат

Анжэліка Мельнікава – удзельніца Народнага антыкрызіснага ўпраўлення. Нарадзілася ў Нясвіжы, скончыла Менскі дзяржаўны лінгвістычны ўніверсітэт і Беларускі дзяржаўны эканамічны ўніверсітэт. Да 2018 года была намесніцай генеральнага дырэктара «Кока-Кола Беўрыджыз Беларусь», пасля сышла ў дэкрэтны адпачынак. У 2020 годзе была вымушана пакінуць краіну праз ціск на сям’ю.

«Я разумею, што гэта вялікая адказнасць перад выбаршчыкамі – у першую чаргу, а таксама перад усімі спісамі, дэлегатамі і партнёрамі, – кажа новая спікерка КР. – Галоўным прыярытэтам для ўсіх нас заўсёды будзе адстойванне інтарэсаў нашай Радзімы і кожнага Беларуса. Сёння зараджаецца сапраўдны дэмакратычны беларускі парламентарызм, гэта насамрэч гістарычны момант. Перад намі шмат выклікаў і задач, і я прыкладу ўсе намаганні, каб гарантаваць празрыстасць працы КР і забяспечыць правы кожнага спіса ўплываць на важныя рашэнні. Будзе няпроста, але ў нас ёсць усё для таго, каб дасягаць мэтаў».

Станіслава Гліннік – асабістая памочніца Святланы Ціханоўскай, сузаснавальніца Беларускага Моладзевага Хаба ў Варшаве, унучка Станіслава Шушкевіча.

«Я ўдзячная за давер майму спісу Еўрапейскі выбар і ўсім, хто падтрымаў маю кандыдатуру. Наступным крокам мусіць стаць стварэнне прафіляваных камісіяў і механізму зваротнай сувязі для беларусаў, а таксама пагадненне з ОСЦ і АПК. Буду спрыяць гэтым напрамкам працы, і безумоўна вітаю ініцыятывы кожнага дэлегата КР», – сказала пасля абвяшчэння вынікаў Станіслава Гліннік.

Арсен Рудэнка belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ