Новыя палітвязні і «экстрэмісцкія матэрыялы»: рэпрэсіі ў Беларусі 5 ліпеня

Цягам двух дзён пасля вызвалення як мінімум 18 палітвязняў 3 ліпеня, праваабаронцы прызналі зняволенымі паводле палітычных матываў адразу 25 чалавек. Як яшчэ рэжым Лукашэнкі працягвае пераследаваць беларусаў, чытайце ў нашым аглядзе.

Здымак мае ілюстрацыйны характар. Былая турма КДБ у Вільні, якая падобная да месца зняволення беларускіх палітвязняў. Вільня, Літва. 27 чэрвеня 2024 года.

Фота: Белсат

У пятніцу 5 ліпеня беларускія праваабаронцы прызналі палітвязнямі 17 чалавек. Гэта: Дзмітрый Пузікаў, Дзяніс Семяніхін, Дар’я Заяц, Валерыя Драгун, Алена Карпенка, Андрэй Каралёў, Антон Пугач, Алена Дуброўская, Іван Дзярновіч, Аляксандр Захарчык, Юрый Юрчук, Таццяна Макеева, Руслан Зголіч, Дзмітрый Сіўко, Аляксандр Цюпа, Іван Мікша, Аляксандр Сырыца. Большасць з іх асуджаныя за паклёп і абразу Лукашэнкі, службовых асобаў, глумленне з дзяржаўных сімвалаў.

Праваабаронцы прадставілі аналіз сітуацыі з правамі чалавека ў Беларусі ў чэрвені. Паводле яго, катаванні, а таксама жорсткае, бесчалавечнае і зневажальнае абыходжанне па-ранейшаму выкарыстоўваюцца ў паўсядзённай практыцы сілавых ведамстваў Беларусі. Некаторыя зніжэнні паказнікаў рэпрэсіяў у параўнанні з перыядам 2020 – 2021 гадоў абумоўленыя памяншэннем колькасці спробаў адкрытай рэалізацыі грамадзянамі сваіх правоў і свабодаў перад тварам непазбежных рэпрэсіяў.

Вядома пра не менш як 222 выпадкі рэпрэсіяў (судоў і затрыманняў), і прынамсі пра 220 выпадкаў палітычна матываванага адміністратыўнага разгляду ў судзе. За месяц адбылося як мінімум 135 адміністрацыйных судовых працэсаў за распаўсюд інфармацыі са спісу «экстрэмісцкіх матэрыялаў».

Гарадзенскі ГУБАЗіК выпадкова апублікаваў дакумент са спісам кантактаў мабільнага нумару, які належыць выбітнаму лекару Сяргею Зіматкіну – загадчыку кафедры гісталогіі, цыталогіі і эмбрыялогіі ГрДМУ. Ці быў затрыманы лекар, ці ён толькі ў «распрацоўцы» сілавікоў – невядома.

Аляксандр Міцкевіч.

Крыніца: Праваабарончы цэнтр «Вясна».

Затрыманы індывідуальны прадпрымальнік з Жодзіна Аляксандр Міцкевіч. На «пакаяльным відэа» мужчына кажа, што ўдзельнічаў у паслявыбарчых акцыях пратэсту, а таксама што падчас вяселля некалькі гадоў таму разам з іншымі гасцямі свята фатаграфаваўся з нацыянальным беларускім сцягам.

У Беларусі – чарговае папаўненне «экстрэмісцкіх матэрыялаў»:

• сацсеткі праекту «ВОЕННИК БАЙ»;
• старонкі ў Instagram «pachramiejeu», «dereviashki_palki», «gorzl»;
• артыкулы «Серьёзный батл на лучшую фабрику фейков. Беларусские госСМИ обвиняют западные медиа в нагнетании ситуации между Россией и Украиной», «Конституционный референдум: в центре внимания процедура, а не суть изменений», «От «можем защитить» до «можем повторить» – один шаг. Как изменился милитаристский нарратив в Беларуси» на сайце mediaiq.infо;
• відэаролікі «У беларусаў забіраюць маёмасць», «40 тысяч зваротаў у КДБ», «Як рэжым Лукашэнкі ўдзельнічае ў в..не – расследаванне BelPol»;
• Старонка ў «Аднакласніках» «Малады фронт «MF20»»;
• TikTok-старонкі «belaruskawolnaya», «Чараўнік», «Таня», «KRAŬČ», «Beldurdom».

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ