Каардынацыйная рада прыняла важную змену ў статут

Каардынацыйная рада прыняла змены ў статут, якія дазваляюць сумяшчаць мандат дэлегата КР і пасаду ў Аб’яднаным пераходным кабінеце, паведамляе прэс-служба КР.

Намеснік кіраўніцы Аб’яднанага пераходнага кабінету (АПК) і лідар Народнага антыкрызіснага ўпраўлення (НАУ) Павел Латушка на Вялікай палітычнай канферэнцыі па выбарах у Каардынацыйную раду трэцяга склікання. Варшава, Польшча. 19 траўня 2024 года.

Фота: Белсат

Змяненні былі прыняты галасаваннем агульным складам. «За» прагаласавала 60 дэлегатаў з 80.

Пункт 2.8 статута прыняты ў наступнай рэдакцыі:

«Дэлегат Каардынацыйнай рады не можа сумяшчаць пасаду прадстаўніка ці яго намесніка з правам голасу ў Абʼяднаным пераходным кабінеце з пасадамі спікера, віцэ-спікера, кіраўніка сакратарыята, кіраўніка камісіі ці сябра працоўнай групы па слуханнях АПК у Кардынацыйнай радзе».

Новую рэдакцыю статута КР пачала распрацоўваць на мінулым тыдні спецыяльна створаная працоўная група. Поўную версію дакументу КР абяцаў апублікаваць у пачатку ліпеня.

Нагадаем, што 12 чэрвеня адбылося першае паседжанне Каардынацыйнай рады трэцяга склікання. Ужо там выявіліся вялікія супярэчнасці паміж фракцыямі, якія засядалі ў КР і кіравалі ёю дасюль, і тымі, хто атрымаў перамогу на першых і пакуль адзіных выбарах. Месцамі дайшло нават да абвінавачванняў як у нежаданні аддаваць уладу, гэтак і ў імкненні яе ўзурпаваць.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ