«Вельмі добрая праца». Былы польскі суддзя Томаш Шмыт стаў журналістам БелТА

Былы польскі суддзя Томаш Шмыт, які ўцёк у Беларусь, паведаміў у Х, што цяпер працуе ў беларускай дзяржаўнай інфармацыйнай агенцыі БелТА, і пачаў называць сябе журналістам і публіцыстам. Ён будзе браць інтэрв’ю ў запрошаных гасцей.

Польскі суддзя Томаш Шмыт, які папрасіў палітычнага прытулку ў Беларусі. 6 траўня 2024 года. Менск, Беларусь.

Фота: БелТА

«Вельмі добрая праца. Кантракт не буду размяшчаць», – напісаў Шмыт.

Надоечы Шмыт ці чалавек, які вядзе ягоны профіль у Х, пачаў пісаць пагрозы польскаму журналісту Пётру Ніштару, які паабяцаў неўзабаве апублікаваць інфармацыю, што ўсіх шакуе.

«Здаваць зараз ты пачнеш. Цябе ўжо некалькі разоў прыціснулі, багажнік быў малы, і я не ўспомню, як было ў лесе. Мне толькі шкада гэтай «тваёй – не тваёй» дзяўчыны. Але табе ўжо ніхто не дапаможа«, – напісаў былы суддзя.

«КДБ Беларусі пачаў пагражаць вывезці мяне ў лес і прыціснуць. Пасля таго, як я агучыў матэрыял, што шакуе не толькі правасуддзе. Супадзенне?», – адказаў Ніштар.

6 траўня польскі суддзя Томаш Шмыт, які фармальна быў у адпачынку з 22 красавіка да 10 траўня, з’явіўся на прэс-канферэнцыі ў Менску.

Шмыт звярнуўся да ўладаў Беларусі з просьбай даць яму абарону, паколькі, маўляў, зазнаў «пераслед і пагрозы за самастойную палітычную пазіцыю». На прэс-канферэнцыі ён заявіў, што звальняецца з пасады суддзі.

Шмыт і яго жонка замяшаныя ў скандале, звязаным з ціскам на суддзяў, якія выступалі супраць судовай рэформы ў Польшчы.

Томаш Шмыт быў суддзём, ён займаўся «сакрэтнымі справамі», да якіх доступ маюць толькі прадстаўнікі спецслужбаў і суддзі.

Пасля таго, як у Беларусі Шмыт стаў здымацца ў прапагандысцкіх сюжэтах лукашэнкаўскага і пуцінскага тэлебачання, Польшча прызнала, што ён такім чынам наносіць шкоду польскай дзяржаве і ўдзельнічае ў гібрыднай вайне супраць яе.

Шмыт напісаў заяву ў Генпракуратуру Польшчы і да нацыянальнага пракурора Польшчы з просьбай распачаць крымінальную справу супраць кіраўніка польскага МЗС Радослава Сікорскага.

Акруговы суд Варшавы выдаў еўрапейскі ордар на арышт Шмыта. Інтэрпол адмовіўся абвяшчаць экс-суддзю ў пошук праз чырвоную картку.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ