ЗСУ паказалі наступствы ўдару па базе запуску дронаў у Краснадарскім краі

Украінскія вайскоўцы апублікавалі спадарожнікавыя здымкі, як сцвярджаецца, знішчанай базы ў Краснадарскім краі, адкуль расейцы запускалі дроны. Гэтую атаку ЗСУ разам з СБУ зладзілі ў ноч на 21 чэрвеня.

Ваенна-марскія сілы ЗСУ ў сваіх сацсетках апублікавалі спадарожнікавыя фота з наступствамі ўдару па гораду Ейску ў Краснадарскім краі, дзе знаходзіўся склад беспілотнікаў. Гэта была сумесная са Службай бяспекі Украіны аперацыя.

«Пацверджана знішчэнне склада шагэдаў і спадарожнай інфраструктуры. Таксама былі знішчаныя кваліфікаваныя інструктары, якія рыхтавалі персанал для абслугоўвання пускаў «Shahed-136 / Герань-2» і тыя курсанты, якіх вучылі наносіць удары па тэрыторыі Украіны з дапамогаю іранскіх беспілотных сістэмаў», – адзначаецца ў паведамленні.

Паводле гэтай інфармацыі, разбураныя навучальныя карпусы, пункты кіравання і сувязі разлікаў беспілотнікаў.

У Мінабароны Расеі раней сцвярджалі, што ў ноч на 21 чэрвеня былі збітыя ўсе 114 беспілотных апаратаў, запушчаных з Украіны, у тым ліку 43 – над тэрыторыяй Краснадарскага краю. Пра наступствы атакі ведамства нічога не паведаміла, хаця інфармацыя пра пажар на тэрыторыі аэрадрому ў Ейску з’явілася ў рэгіянальных суполках у сацсетках.

Сцяпан Кубік belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ