Ціханоўская абмеркавала з дарадцам віцэ-прэзідэнткі ЗША інтарэсы Беларусі на саміце міра

Абраная прэзідэнтка Беларусі Святлана Ціханоўская падчас працоўнага візіту ў Вашынгтон сустрэлася з дарадцам па нацыянальнай бяспецы віцэ-прэзідэнткі ЗША Філам Горданам.

Віцэ-прэзідэнтка ЗША Камала Гэрыс ачоліць амерыканскую дэлегацыю на саміце міру ў Швейцарыі, які пройдзе 15-16 чэрвеня. Напярэдадні, 14 чэрвеня, Святлана Ціханоўская сустрэлася ў Вашынгтоне з дарадцам віцэ-прэзідэнткі ЗША Філам Горданам.

Паводле прэс-службы Ціханоўскай, яны абмеркавалі рэпрэзентацыю Беларусі на саміце па міру і дзеянні ад ЗША і партнёраў у сувязі з самітам. У прыватнасці, гаворка ішла пра вывад расейскіх войскаў з тэрыторыі Беларусі і ўвядзенне санкцыяў супраць Расеі за ўмяшанне ва ўнутраныя справы Беларусі. Абраная прэзідэнтка звярнула ўвагу на тое, што пры падтрымцы Украіны важна не забывацца пра Беларусь.

Акрамя таго, на сустрэчы Ціханоўская і Гордан закранулі тэму транснацыянальных рэпрэсіяў, якія датычацца беларусаў, што бяруць актыўны ўдзел у акцыях салідарнасці за мяжой, і сітуацыю з экстрадыцыяй Андрэя Гнёта ўладамі Сербіі.

«Таксама адной з важных тэмаў падчас сустрэчы стаў саміт NATO, які адбудзецца ў ліпені, і магчымая сустрэча з Камалай Гэрыс падчас гэтага івэнту», – паведамілі ў прэс-службе Ціханоўскай.

Нагадаем, 15–16 чэрвеня ў Швейцарыі мае адбыцца саміт міру, арганізаваны з ініцыятывы Украіны. У канферэнцыі прымуць удзел больш за 100 дэлегацыяў. Расею і Беларусь на саміт не запрасілі.

Глеб Нержын belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ