Аб’яднаныя Арабскія Эміраты і Беларусь падпісалі пагадненне «аб супрацы ў галіне бяспекі і супрацьдзеяння тэрарызму». Дакумент апублікавалі на Нацыянальным прававым партале. Угода прадугледжвае абмен інфармацыяй пра тэрарыстаў і экстрэмістаў, аднак не выключае супрацы «ў іншых узаемаўзгодненых формах».
Дубай. Здымак мае ілюстрацыйны характар. Dubai Marina skyline.
Фота: A.Savin / Wikipedia
З боку Беларусі пагадненне з Аб’яднанымі Арабскімі Эміратамі падпісаў міністр унутраных справаў Іван Кубракоў.
Дакумент прызначаны для абмену інфармацыяй «з мэтаю перадухілення, выяўлення і супрацьдзеяння ўсім формам злачыннасці». Пры гэтым асобна згадваюцца такія злачынствы:
- Экстрэмізм, тэрарызм і дзейнасць тэрарыстычных групаў;
- Фінансаванне тэрарызму;
- Дзейнасць наймітаў і ўдзел асобаў ва ўзброеным канфлікце без упаўнаважання дзяржавы;
- Вытворчасць і абарот зброі;
- Кібертэрарызм і злачынствы ў IT-сферы;
- Гандаль людзьмі, арганізацыя прастытуцыі, выкраданне людзей;
- Карупцыя.
Хаця пагадненне прадугледжвае толькі абмен досведам і інфармацыяй, там пазначана, што «бакі могуць здзяйсняць супрацу ў іншых узаемаўзгодненых формах».
У дакуменце дэталёва распісана, як сілавікі дзвюх краінаў будуць запытваць інфармацыю. У тэрміновых выпадках такія запыты могуць быць нават вуснымі.
Бакі маюць права адмовіцца даваць інфармацыю, калі гэта можа нашкодзіць бяспецы, суверэнітэту, супярэчыць нацыянальнаму заканадаўству ці міжнародным абавязанням або калі ўчынак, з нагоды якога накіроўваецца запыт, не лічыцца злачынствам у другой краіне.
Акрамя таго, пагадненне прадугледжвае стварэнне Сумеснага камітэту бяспекі, куды залучаць прадстаўнікоў МУС абедзвюх дзяржаваў. Гэты камітэт будзе збірацца рэгулярна і па чарзе то ў адной краіне, то ў другой.
Раней адвакат Алесь Міхалевіч у размове з «Белсатам» апавёў, куды лепей не ездзіць беларусам, якім на радзіме пагражае палітычны пераслед. Юрыст казаў, што Аб’яднаныя Арабскія Эміраты, а таксама Егіпет і Саудаўская Аравія, не надта бяспечныя праз нізкі ўзровень прававой культуры.
Разбор
Адкуль могуць дэпартаваць і экстрадаваць у Беларусь на палітычны запыт, а дзе бяспечна
2024.02.04 13:00
Сцяпан Кубік belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS