Мянчук засудзіў тураператара, бо зламаў зуб аб костку чарнасліву ў самалёце «Белавіі»

У 2023 годзе мянчук вяртаўся з адпачынку ў Турэччыне, падчас вячэры ў самалёце пашкодзіў зуб. Як вынікае з матэрыялаў, апублікаваных на сайце Вярхоўнага суду, вінаватым у гэтым суддзя прызнаў не пастаўніка ежы, не авіякампанію і не самаго пасажыра, а тураператара.

Здымак мае ілюстрацыйны характар. Самалёт «Белавія».

Скрыншот: belavia.airlines / Instagram

Турыст тлумачыў, што набыў тур Менск–Анталья–Менск у кампаніі «АнексТурБай», і калі ляцеў дамоў, пашкодзіў зуб аб костку чарнасліву, якая трапілася ў вячэры, якую прапанавалі прадстаўнікі авіякампаніі «Белавія».

Тураператар адмовіўся аплаціць аднаўленне зуба, таму мужчына адрамантаваў зуб за свае грошы (заплаціў 171 рубель 76 капеек) і падаў на тураператара ў суд, запытаўшы яшчэ 1500 рублёў маральнай кампенсацыі.

Суддзя Партызанскага раёну Менску вырашыў, што вінаваты тураператар: «АнексТурБай» нясе адказнасць за неналежнае выкананне абавязкаў арганізацыяў, якія прыцягнуў, у тым ліку тых, якія перавозяць турыстаў і прадстаўляюць ім харчаванне.

Таму суддзя пастанавіў кампенсаваць турысту страты ў 171,76 рубля, заплаціць за маральныя пакуты 500 рублёў і за юрыдычныя выдаткі 1400 рублёў, а яшчэ 185 рублёў дзяржаўнага мыту. Чаму адказнасць не ўсклалі на пастаўніка ежы, незразумела.

Але магчыма, пра гэты самы выпадак раней пісалі на сайце Рэспубліканскага саюзу турыстычнай індустрыі: расказвалі пра пасажыра, які зламаў зуб аб чарнасліў з косткай.

«Авіякампанія заявіла, што адказнасць ляжыць на кейтэрынгавай кампаніі. Тая, у сваю чаргу, указала на пастаўшчыка чарнасліву, які сцвярджаў, што імавернасць наяўнасці костачак мінімальная. Па факце кампенсаваць шкоду замоўніку, згодна з рашэннем суду, абавязалі тураператара: чартар арандаваў ён, турыст таксама ягоны».

Алесь Наваборскі belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ