Каталіцкага святара Паўла Лемеха судзілі паўторана

Святара з Шуміліна Паўла Лемеха не выпусцілі на волю і судзілі паўторна, паведамляе «KATOLIK.LIFE». Ён мусіў выйсці 18 траўня пасля 10 содняў адміністрацыйнага арышту.

Затрыманыя святары Анджэй Юхневіч і Павел Лемех.

Фота: Хрысціянская візія: НЕ ВАЙНЕ! / Telegram

Сутнасць абвінавачванняў супраць айца Паўла Лемеха па-ранейшаму невядомая.

«Калі святара не вызвалілі ў суботу, вернікі зразумелі, што яго перазатрымалі паводле новага абвінавачвання і чакалі суда ў панядзелак. Аднак, мяркуючы па ўсім, працэс адбыўся ў аўторак. У ізалятары часовага ўтрымання ў Віцебску, дзе з 8 траўня знаходзіцца святар, удзень 21 траўня адказвалі, што “на гэты момант ён адсутнічае”, адмовіўшыся растлумачыць, з якой прычыны. Відавочна, у той час над ім ішоў новы суд. Увечары ў ізалятары таксама адмовіліся паведаміць, ці знаходзіцца тут айцец Павел», – піша «KATOLIK.LIFE».

Рашэнне другога суда пакуль невядомае.

Айца Паўла затрымалі разам з айцом Анджэем Юхневічам. Яны абодва служыць у Шуміліне. Айца Анджэя пакаралі 15 соднямі арышту, ён мусіць выйсці на волю 23 траўня. Каб арыштаваць святароў, прыехалі адразу тры машыны міліцыі.

«Агледзелі памяшканні і забралі айца Паўла. У той жа час айца Анджэя затрымалі ў дарозе – ён ехаў на сустрэчу», – расказвалі пра затрыманне вернікі.

У той жа дзень у Шуміліне была арыштаваная верніца за падпіску на «экстрэмісцкую» старонку ў сацсетках.

Арсен Рудэнка belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ