У Signal з’явілася беларуская мова

Распрацоўнікі мэсэнджара Signal у апошнім абнаўленні дадалі падтрымку беларускай мовы. На новаўвядзенне звярнуў увагу @motolkohelp.

Прэзідэнт кампаніі Signal Foundation Мерэдыт Уітакер і Святлана Ціханоўская на палях Мюнхенскай канферэнцыі па бяспецы ў лютым 2024 года.

Фота: t.me/tsikhanouskaya

Раней Signal не падтрымліваў беларускую мову, і карыстальнікі нават стваралі асобнае адгалінаванне для гэтага пытання на Reddit, адзначае рэсурс.

Фота: @motolkohelp

У лютым, падчас Мюнхенскай канферэнцыі па бяспецы, абраная прэзідэнтка Беларусі Святлана Ціханоўская сустрэлася з прэзідэнтам кампаніі Signal Foundation Мерэдыт Уітакер. Сярод іншага, на сустрэчы абмяркоўвалася беларускамоўная лакалізацыя мэсэнджара.

А нядаўна стала вядома, што «Google» дыскрымінуе беларускую «Вікіпедыю» у выніках пошуку: пасля запытаў нават на беларускай мове вышэйшы ранг атрымліваюць расейскамоўныя артыкулы. Гэта заўважылі рэдактары беларускай «Вікіпедыі», і спраўдзіць працу «Google» можа кожны. Напрыклад, на запыт «Беларусь» пошукавік першым дае спасылку на артыкул «Белоруссия» расейскай «Вікіпедыі».

Галоўны дарадца абранай прэзідэнткі Святланы Ціханоўскай Франак Вячорка паведаміў «Белсату», што Офіс ведае пра праблему і ўжо рыхтуе запыт у амерыканскую кампанію.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ