Прэм’ер Польшчы прыехаў на мяжу з Беларуссю: «Маем справу з гібрыднай вайной»

Ранкам 11 траўня прэм’ер-міністр Польшчы Дональд Туск наведаў ваенна-аператыўную групу Падляшша каля Беластоку на мяжы з Беларуссю і пасля брыфінгу з вайскоўцамі выступіў перад медыямі.

Дональд Туск падкрэсліў, што польская дзяржава падтрымлівае вайскоўцаў і памежнікаў «у кожную хвілю» падчас гібрыднай вайны супраць Польшчы і ціску праз нелегальную міграцыю. Ён абвясціў, што Польшча пачала інтэнсіўную працу па фартыфікацыі мяжы Еўразвязу.

«Мы сапраўды маем справу з гібрыднай вайной, якая працягваецца, – перадае словы прэм’ера Польшчы PAP. – Я хачу, каб тут не было ніякіх сумневаў: краіна з усё больш агрэсіўнымі намерамі ў дачыненні да Польшчы, якой ёсць Беларусь, суарганізуе гэтую практыку на польскай мяжы».

Ён дадаў, што будзе працаваць над зменамі ў заканадаўства, каб запэўніць прававую бяспеку вайскоўцаў і службоўцаў на мяжы.

«Я дэклараваў, што няма абмежаванняў на рэсурсы, калі гаворка ідзе пра бяспеку. Тут, на мяжы, усе павінны бачыць, што ты ў самым цэнтры дзяржаўнай падтрымкі», – казаў Туск.

Прэм’ер Польшчы патлумачыў, што кажа не толькі аб тэхнічнай інфраструктуры, але і аб паляпшэнні абсталявання для кожнага вайскоўца і службоўца на мяжы на тле росту колькасці спробаў нелегальнага пераходу беларуска-польскай мяжы і росту пагрозаў праз вайну ва Украіне.

Прэм’ер-міністр Польшчы Дональд Туск вітаецца з вайскоўцамі на мяжы з Беларуссю. Каракуле, Польшча. 11 траўня 2024 года.

Фота: Kancelaria Premiera / X

Выданне «RMF24» звязала візіт Туска на мяжу з ранейшым паведамленнем арганізацыі былых беларускіх сілавікоў «BYPOL» аб падрыхтоўцы рэжымам Аляксандра Лукашэнкі буйной групы мігрантаў для спробы прарыву мяжы з Польшчай.

Днём раней Туск паведаміў, што ў Польшчы будзе створаная камісія, якая зоймецца расследаваннем уплыву, які аказвала Расея і Беларусь у краіне.

Алесь Наваборскі belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ