Польскія памежнікі затрымалі дэзерціра з Расеі

Памежная ахова Польшчы паведаміла пра затрыманне 41-гадовага грамадзяніна Расеі, які незаконна перайшоў беларуска-польскую мяжу.

Польскі памежнік.

Фота: Straz_Graniczna / Twitter

У расейца пры сабе знайшлі вайсковыя дакументы, у тым ліку кантракт, што прадугледжвае ўдзел у вайне супраць Украіны, паведамляе выданне «RMF FM». Апрануты мужчына быў як цывільны, зброі пры сабе не меў.

Інфармацыі пра тое, ці папрасіў расеец міжнароднай абароны ў Польшчы, няма.

У дачыненні да мужчыны польскі бок выконвае далейшыя дзеянні. Да справы далучылася польскае Агенцтва ўнутранай бяспекі, якое будзе высвятляць, ці з’расеец насамрэч дэзерцір і мігрант, бо ён можа быць і шпіёнам.

9 красавіка стала вядома пра затрыманне расейскай вайсковай паліцыяй грамадзяніна Расеі Анатоля Шчацініна ў армянскім горадзе Гюмры. Мужчына ўдзельнічаў у вайне ва Украіне, аднак змог дэзерціраваць з расейскага войска і збегчы ў Арменію.

У снежні 2023 года такі ж інцыдэнт здарыўся з Дзмітрыем Сетраковым. Яго прывезлі на расейскую базу ў Гюмры з ерэванскага аэрапорту «Звартноц», дзе яго затрымалі расейскія памежнікі адразу па прылёце ў краіну. 19 снежня сталася вядома, што расейскім сілавікам удалося вывезці Сетракова ў Расею, дзе яму выставілі абвінавачанні ў крымінальнай справе.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ