Латушка перадаў Еўразвязу дасье на 26 прадстаўнікоў рэжыму, каб на іх наклалі санкцыі

Падчас нядаўняй сустрэчы ў Бруселі з прадстаўнікамі Еўрапейскай службы вонкавых дзеянняў каманда Паўла Латушкі перадалі дасье на 26 прадстаўнікоў рэжыму Аляксандра Лукашэнкі, якія дагэтуль не апынуліся пад еўрапейскімі санкцыямі. Пра гэта паведамляе тэлеграм-канал «Каманда Латушкі і Рух «За Свабоду»».

Гендырэктарка БелТА Ірына Акуловіч.

Фота: БелТА

Паводле яго, цяпер ідзе ўдакладненне кандыдатаў у санкцыйныя спісы ад пула прапаганды Аляксандра Лукашэнкі. З гэтай нагоды былі перададзеныя персанальныя звесткі і абгрунтаванне ўвядзення санкцыяў, у тым ліку цытаты і спасылкі на публікацыі.

Сярод асоб, якія прадстаўлены да ўнясення ў санкцыйны пералік ЕЗ, старшыня партыі «Белая Русь» Алег Раманаў, кіраўнік БРСМ Аляксандр Лук’янаў, дырэктар «Беларусь сёння» Дзмітрый Жук, генеральны дырэктар БЕЛТА Ірына Акуловіч, журналіст «Russia Today» Канстанцін Прыдыбайла, псеўдаэксперты, палітолагі і прапагандысты: Пётр Пятроўскі, Сяргей Лушч і іншыя.

«Гэтыя асобы павінны трапіць у санкцыйныя пералікі ЕС. Адказнасць за хлусню і паклёп, распаўсюджванне варожасці і нянавісці, апраўданне гвалту, рэпрэсій і агрэсіўнай вайны немінуча наступіць. Пакуль толькі ў выглядзе санкцый, а далей многія з гэтых персанажаў могуць прэтэндаваць на належную прававую ацэнку сваіх дзеянняў ужо ў сапраўдным і сумленным судзе», – сказаў Павел Латушка.

Таксама прапануецца ўвесці блакавальныя санкцыі ў дачыненні да найбуйнейшых тэлеканалаў рэжыму, яшчэ не ахопленых абмежаваннямі ЕЗ – АНТ і СТБ.

Пра тое, што краіны Еўразвязу маюць падрыхтаваць новыя санкцыі супраць Беларусі ў сувязі з абыходам існых абмежаванняў «супраць расейскіх саюзнікаў Уладзіміра Пуціна і гандлем таварамі для ваеннай машыны Крамля», 18 красавіка паведаміла прэм’ер-міністарка Латвіі Эвіка Сілыня.

Якуб Хруст belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ