Прэс-служба МУС паведаміла аб затрыманні групы страхавых ашуканцаў. Яны наносілі сабе траўмы, каб атрымаць выплаты па страхоўках.
Фота: pressmvd / Telegram
Агулам па справе затрымана дзевяць чалавек. МУС называе кіраўніком групы 36-гадовага жыхара Магілёўскай вобласці. Сцвярджаецца, што ў групу ўваходзілі ягоныя сваякі і знаёмыя ва ўзросце ад 28 да 50 гадоў.
Па версіі міліцыі, яны заключалі дагаворы страхавання ад няшчасных выпадкаў, пасля чаго ў розных месцах, у тым ліку ў кватэрах і дачах, наносілі сабе траўмы пальцаў рук і ног, папярэдне робячы ўколы абязбольваючага. У далейшым яны фіксавалі траўмы ва ўстановах аховы здароўя і звярталіся па страхавыя выплаты.
«Атрыманыя злачынным шляхам даходы падазраваныя выдаткоўвалі на будаўніцтва і набыццё жылля, транспарту, а таксама давалі знаёмым у доўг пад працэнты. Усяго за два гады аферысты незаконна атрымалі звыш 550 тысяч рублёў», – заявілі ў МУС.
У роліку, апублікаваным прэс-службай, прадэманстраваны паказанні аднаго з затрыманых. Мужчына заяўляе, што ламаў пальцы на руках і нагах. Страхавыя выплаты складалі ад 50 да 80 тысяч рублёў.
Пры вобшуках ва ўдзельнікаў групы выяўленыя малаткі і шпрыцы з ін’екцыямі абязбольвальваючага, а таксама частка атрыманых грошай. Распачата крымінальная справа па артыкуле за махлярства, учыненае арганізаванай групай у асабліва буйным памеры.
Ася Саковіч belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS