50 беларускіх студэнтаў адправяць на будаўніцтва Байкала-Амурскай магістралі ў рамках студатрадаў. Пра гэта на дзяржаўным тэлебачанні распавяла камандзірка студэнцкага педагагічнага атраду «Сузор’е» і студэнтка БДПУ Аліна Васільева.
Паўночнамуйскі тунэль Байкала-Амурскай магістралі.
Фота: NOVELCO logistics news / dzen.ru
Аліна Васільева прыцягвала маладых людзей у будатрады і распавяла, што гэта досвед, нядрэнны заробак (памеру яна не назвала), а яшчэ льготы.
Удзел у студатрадзе ў Беларусі таксама можа быць умовай для атрымання месца ў інтэрнаце.
Васільева пахвалілася камандзіроўкамі, у якія адпраўляюць студэнтаў. Адна з іх летам 2024 года – на будаўніцтва БАМу.
«Пяцьдзясят студэнтаў, якія адправяцца ў Расею на Байкала-Амурскую магістраль… сапраўды, конкурс вялікі быў. На іх ускладаецца вялікая надзея, у іх вельмі вераць, падтрымлівае ўся краіна, усе студэнцкія атрады. Мы ведаем, напэўна, літаральна кожнага, хто паедзе, таму што ганарымся і верым, што яны пакажуць сапраўды годны ўзровень у Расейскай Федэрацыі», – заявіла студэнтка.
Байкала-Амурская магістраль (БАМ) – чыгунка, пабудаваная за часоў Савецкага Саюзу. Яна праходзіць праз Усходнюю Сібір і Далёкі Усход Расеі ды мае працягласць 4324 км.
Будаўніцтва БАМу пачалося ў 1938 годзе. Там працавалі зняволеныя ГУЛАГу, дзясяткі тысяч з якіх загінулі ад голаду і хваробаў. У 1970-я гады да будоўлі пачалі прыцягваць савецкіх студэнтаў. Цяпер на БАМе праходзіць мадэрнізацыя, якая павінна павялічыць прапускную здольнасць грузаў.
Паводле звестак ФСБ, 29 і 30 лістапада 2023 года на БАМе адбыліся выбухі на двух цягніках з нафтапрадуктамі. У наўмысным падрыве абвінавацілі беларуса 1971 года нараджэння. Ён затрыманы ў Омскай вобласці.
Hавiны
Абвінавачаны ў падрыве на БАМе беларус Ерамееў у «Лефортаве». Да яго не пускаюць адваката
2024.03.17 14:12
Арсен Рудэнка belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS