У Менску могуць перайменаваць вуліцу Каліноўскага – нібыта праз звароты гараджанаў

Пра магчымае перайменаванне вуліцы Каліноўскага ў Менску паведаміў у сваім тэлеграм-канале прапагандыст рэжыму Лукашэнкі Вадзім Гігін.

Шыльда на доме на вуліцы Каліноўскага ў Менску.

Фота: realt.by

Таксама Гігін распавёў, што сквер на вуліцы Каліноўскага, вядомы як «сквер на Каліноўскага» цяпер будзе называцца «Яблыневы»: у ім заклалі сад – высадзілі яблыні ў гонар 55-годдзя Першамайскага раёну.

«Усё менш у беларускай тапаніміцы месцаў, звязаных з імем гэтага польскага рэвалюцыянера-тэрарыста, – напісаў прапагандыст. – Упэўнены, справа дойдзе і да перайменавання вуліцы. Зваротаў грамадзянаў з такой прапановай усё больш».

У снежні 2023 года была пераназваная гімназія Каліноўскага ў Свіслачы – цяпер гэтая ўстанова адукацыі носіць імя падпольшчыцы Праскоўі Васіленкі. Кастусь Каліноўскі вучыўся ў Свіслачы з 1847 да 1852 года. Раней у гімназіі быў музей, які цяпер «на рэканструкцыі», і, падобна, памяці пра Каліноўскага там не застанецца.

Таксама летась па ініцыятыве Гігіна са школьнай праграмы прыбралі твор Уладзіміра Караткевіча «Каласы пад сярпом тваім».

Раней раман вывучаўся школьнікамі ў 11-м класе, сярод іншага ў ім адлюстараваныя падзеі напярэдадні паўстання 1863 года, звязаныя з такімі постацямі, як Кастусь Каліноўскі (актыўная кампанія па аспрэчванні ягонай ролі ў беларускай гісторыі была распачатая беларускай прапагандай пасля 2020 года) ці Тарас Шаўчэнка.

Гігін лічыць, што Караткевіч шмат у чым ідэалізаваў Каліноўскага.

Тым часам у Вільні сёлета ўсталявалі і 22 сакавіка асвяцілі помнік удзельнікам паўстання 1863 года. У мемарыяле ўвасобленыя тры паўстанцы – Кастусь Каліноўскі, Зыгмунт Серакоўскі і Цітус Далеўскі.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ