Расследвальнікі праекту «Бюро» даведаліся, што адзіную ў Беларусі прыватную ахоўную кампанію «ГардСэрвіс», якая мае дазвол на ўжыванне агнястрэльнай зброі, узначаліў Юрый Альшэўскі. Ён ужо 20 гадоў целаахоўнік Лукашэнкі.
Здымак мае ілюстрацыйны характар.
Фота: i-korotchenko.livejournal.com
Новы кіраўнік «ГардСэрвісу» Юрый Альшэўскі каля 20 гадоў працуе ў службе бяспекі Аляксандра Лукашэнкі. Ён суправаджаў палітыка ў замежных камандзіроўках: у 2017 годзе ў Індыю, у 2018 годзе ў Кітай, а ў 2019-м – у Туркменістан.
Расследвальніцкі праект «Бюро» адзначае, што жонка Альшэўскага Святлана Сакалоўская надоечы стала дэпутаткай Палаты прадстаўнікоў. З 1999 года яна працуе на розных пасадах у Камітэце дзяржкантролю, з студзеня 2010 года – першая намесніца старшыні КДК Менская вобласці.
«ГардСэрвіс» – гэта адзіная ў Беларусі прыватная ахоўная кампанія, якая мае дазвол на ўжыванне агнястрэльнай зброі. Альшэўскі ўжо трэці дырэктар фірмы з 2020 года. Раней кампанію ўзначальвалі Яўген Чанаў і Уладзімір Арэх.
Пра дзейнасць гэтай кампаніі вядома няшмат. У лістападзе летась аб’яднанне «BELPOL» выпусціла расследаванне пра тое, што «ГардСэрвіс» мае арсенал зброі і пры гэтым ахоўвае толькі двух асобаў: паплечніка Лукашэнкі Віктара Шэймана і набліжанага да беларускіх уладаў бізнесоўца Аляксея Алексіна. Фірма зарабляе грошы праз сумнеўныя схемы перапродажы нерухомасці, бясплатна атрыманай ад дзяржавы.
Стваральнікам «ГардСэрвісу» называюць Шэймана.
Hавiны
«BELPOL» распавёў новыя дэталі карупцыйнай схемы з удзелам Віктара Шэймана і «ГардСэрвісу»
2023.11.29 17:10
Сцяпан Кубік belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS