У акупаваным Крыме разбіўся Су-35. Імаверна, знішчальнік збіла расейская СПА

Расейскае войска страціла ў Крыме знішчальнік Су-35. Самалёт упаў у мора каля Севастопаля, пацвердзіў кіраўнік анексаванага гораду Міхаіл Развазжаеў. Паводле непацверджаных звестак Telegram-каналу «ВЧК-ОГПУ», знішчальнік памылкова збіла расейская СПА.

Збіты ў Севастопалі расейскі знішчальнік Су-35. 28 сакавіка 2024 года.

Фота: insiderUKR / Telegram

«У мора ўпаў вайсковы самалёт. Пілот катапультаваўся. Яго падабралі ратаўнікі выратавальнай службы Севастопаля на адлегласці двухсот метраў ад берага. Яго жыццю нічога не пагражае», – напісаў кіраўнік анексаванага гораду Міхаіл Развазжаеў.

Відавочцы апублікавалі відэа са знішчальнікам, што палае і падае. Гэта быў Су-35.

Паводле непацверджаных звестак, самалёт быў збіты расейскай супрацьпаветранай абаронай. Здарэнне адбылося неўзабаве пасля таго, як у рэгіёне абвесцілі паветраную трывогу.

Мінабароны Расеі інцыдэнт не пракаментавала.

У сярэдзіне студзеня ў ЗСУ заявілі, што збілі над Азоўскім морам расейскі самалёт далёкага радыёлакацыйнага выяўлення і кіравання А-50 ды падбілі самалёт Іл-22. Паводле іншай версіі, Іл-22 быў пашкоджаны ў выніку ўдару расейскай СПА, што прыкрывае Крымскі мост.

Сцяпан Кубік belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ