«Reuters»: Расея нарошчвае імпарт нафтапрадуктаў з Беларусі

У сакавіку Расея павялічыла імпарт нафтапрадуктаў з Беларусі, каб зліквідаваць рызыку дэфіцыту на ўнутраным рынку з-за пазапланавых рамонтаў на расейскіх нафтаперапрацоўчых заводах пасля нападаў беспілотнікаў, піша «Reuters».

Здымак мае ілюстрацыйны характар. Мазырскі НПЗ.

Фота: БелТА

У першай палове сакавіка Расея павялічыла імпарт нафтапрадуктаў з Беларусі, ён дасягнуў амаль 3 тысячаў тон, у той час як у лютым быў роўны 590 тон, а ў студзені паставак не было наогул.

Паводле крыніц «Reuters», паміж урадамі і нафтавымі кампаніямі вядуцца абмеркаванні далейшага імпарту. Крыніцы таксама паведамляюць, што перамовы ішлі складана, бо Беларусь ставіць у прыярытэт экспарт свайго паліва на міжнародныя рынкі. Колькасць нафтапрадуктаў, якія спатрэбяцца Расеі, будзе залежаць ад тэрмінаў рамонту НПЗ.

У той жа час крыніцы выдання падкрэслілі, што расейскія нафтавыя кампаніі могуць павялічыць пастаўкі нафты на беларускія НПЗ у абмен на дадатковыя пастаўкі нафтапрадуктаў у Расею.

На сённяшні дзень прадукцыйнасць кожнага з двух нафтаперапрацоўчых заводаў – Наваполацкага НПЗ «Нафтан» і Мазырскага НПЗ – складае 12 мільёнаў тон у год (каля 240 тысячаў барэляў у дзень). Тым не менш, як правіла, яны працуюць з меншай магутнасцю, перапрацоўвае каля 9 мільёнаў тон у год кожны (каля 180 тысячаў барэляў у дзень).

Пакуль, адзначае выданне, незразумела, наколькі Беларусь можа павялічыць вытворчасць, і галіновыя крыніцы кажуць аб наяўнасці тэхнічных вузкіх месцаў.

Як адзначыў палітычны аглядальнік Аляксандр Фрыдман, «пасля паспяховых украінскіх нападаў на расейскія НПЗ Расея стала больш актыўна імпартаваць бензін з Беларусі. Такое развіццё падзей можа прынесці пэўныя эканамічныя дывідэнды Менску, але пры гэтым павялічвае і рызыку ўкраінскіх атак на мясцовыя НПЗ».

Раман Шавель belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ