28 ліпеня ізраільскія вайскоўцы атакавалі 7 аб’ектаў арганізацыі «Хізбула» на тэрыторыі Лівану. Гэта зроблена ў адказ на забойства 12 дзяцей і падлеткаў у паселішчы Мадждаль-Шамс на Галянскіх вышынях, перадае брытанская тэлерадыёкарпарацыя ВВС.
Месца ракетнага ўдару ў ізраільскім паселішчы Мадждаль-Шамс на Галянскіх вышынях. 27 ліпеня 2024 года.
Крыніца: idfonline / X.com
28 ліпеня Ізраіль нанёс авіяўдары па сямі аб’ектах арганізацыі «Хізбула» на тэрыторыі Лівану.
У паведамленні Цагалю адзначаецца, што былі атакаваныя цэлі ў глыбіні і на поўдні краіны. Сярод гэтых аб’ектаў – «сховішчы зброі і тэрарыстычная інфраструктура».
מטוסי קרב תקפו במהלך הלילה שורת מטרות טרור של ארגון הטרור חיזבאללה ברחבי לבנון.
בין המטרות שהותקפו בעומק ובדרום לבנון, מצבורי אמל”ח ותשתיות טרור במרחבים שבריחה, בורג’ א-שמאלי, בקאע, כפר כילא, רב א-תלתין, אל-חיאם וטיר חרפא pic.twitter.com/nUpOGqTWtK
— צבא ההגנה לישראל (@idfonline) July 28, 2024
ВВС падкрэслівае, што цяпер супрацьстаянне паміж Ізраілем і арганізацыяй «Хізбула», якая фактычна кіруецца Іранам, можа выліцца ў маштабную вайну.
Напярэдадні ракета трапіла ў футбольнае поле ў ізраільскім паселішчы Мадждаль-Шамс на Галянскіх вышынях. У выніку загінулі 12 дзяцей і падлеткаў, 28 пацярпелых шпіталізаваныя.
Сёння ахвяраў ракетнага ўдару пахавалі.
Пахаванне дзяцей, загінулых у выніку ракетнага ўдару па паселішчу Мадждаль-Шамс на Галянскіх вышынях. 28 ліпеня 2024 года.
Фота: Ammar Awad / Reuters / Forum
Ізраіль абвінаваціў у абстрэле «Хізбулу», заявіўшы, што выкарыстоўвалася іранская ракета «Falaq-1». Арганізацыя абвінавачванні адкідае, сцвярджаючы, што выбухнула ракета ізраільскай супрацьпаветранай абароны.
Прэм’ер-міністр Ізраілю Бэньямін Нэтаньягу раней паабяцаў «не пакінуць без увагі» забойства дзяцей і даў зразумець, што «”Хізбула” заплаціць вялікую цану, якую не плаціла дагэтуль».
Фота ахвяраў ракетнага ўдару па паселішчу на Галянскіх вышынях 27 ліпеня 2024 года.
Крыніца: Trueisrael / Telegram
Тым часам МЗС Ірану апублікаваў заяву, у якой «строга перасцярог сіянісцкі рэжым ад любога новага авантурызму супраць Лівану на падставе інцыдэнту на акупаваных Галянскіх вышынях»:
«Любая недарэчная захада сіянісцкага рэжыму можа прывесці да пашырэння нестабільнасці, небяспекі і полымя вайны ў рэгіёне. У гэтым выпадку згаданы рэжым будзе несці канчатковую і галоўную адказнасць за непрадказальныя наступствы і рэакцыю на бязглуздыя паводзіны».
Бальшыня насельніцтва паселішча Мадждаль-Шамс – друзы, гэта асаблівая этнаканфэсійная арабская група. Яе прадстаўнікі жывуць таксама ў Ліване, Іярданіі і Сірыі.
Hавiны
«Хізбала» ударыла ракетай па спартовай пляцоўцы ў ізраільскім пасёлку. Загінулі дзеці
2024.07.27 23:54
Сцяпан Кубік belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS