Аляксандра Мамінава – салістка Берасцейскай філармоніі, якая праз вайну ва Украіне адмовілася выконваць «Песні Перамогі». Жанчыну пакаралі штрафам і збіраліся асудзіць за экстрэмізм. Яна своечасова пакінула Беларусь з трыма дзецьмі.
Аляксандра працавала ў Берасцейскай філармоніі, выкладала ў каледжы, пры гэтым падпісала петыцыю супраць гвалту над палітзняволенымі. Аднак калі ў лютым 2022 года Расея пачала поўнамаштабную вайну супраць Украіны, спявачка не магла больш трываць. Яна адмовілася выконваць «Песні Перамогі» і звольнілася з філармоніі. Аляксандра ведала, што сабою ўяўляе вайна, ад сябровак з Украіны, каля дамоў якіх неаднаразова ўзрываліся бомбы.
Пасля звальнення на Мамінаву пачалі ціснуць сілавікі. Жанчыну абвінавацілі ў «экстрэмісцкіх» падпісках на «Белсат» і «Зеркало» ды аштрафавалі.
«У Беларусі – жах, вядома. Як палякі гавораць, масакра поўная. І я там не змагла б жыць ужо, бо ўсё акружэнне – гэта нейкая шэрая маса засталася. Калі я гаварыла сваім сяброўкам, суседзям, што ў мяне быў суд, і ніхто не верыў», – згадвае Аляксандра Мамінава.
Калі ж Аляксандры прызначылі чарговы суд, яна зразумела, што адным штрафам ужо можа не абысціся, таму вымушаная была з трыма няпоўнагадовымі дзецьмі пакінуць Беларусь. Цяпер яны ў Вроцлаве. Аляксандра Мамінава шукае працу, каб мець магчымасць аплочваць жытло і карміць дзяцей. Яна гатовая вучыць музыцы, спевам, дапамагаць рыхтавацца да паступлення, у яе ёсць і адукацыя харавога дырыжора.
Магчыма, нехта з нашых гледачоў мог бы дапамагчы дзецям Аляксандры. 17-гадовая Ульяна не здолела ў Польшчы ўладкавацца ў школу ці ліцэй, таму шукае магчымасці найперш тэхнічныя (у выглядзе таблета ці ноўтбука), каб працягнуць вывучэнне графічнага дызайну. Ваня займаўся ў Беларусі баскетболам і хацеў бы працягнуць гэтыя заняткі ў Польшчы. Косця любіць плаваць і хацеў бы атрымаць абанемент у басейн, а таксама займець хатняга гадаванца – змяю, скарпіёна ці павука.
Таксама ў выданні – працяг гісторыі Алега Кірліка.
Калі вы жадаеце падтрымаць герояў, лістуйце нам: [email protected]
Далучайся да нашых суполак у Facebook ды Instagram.
І памятайце: беларус беларусу – любоў, падтрымка і перамога. Дзе мы разам – там і Беларусь.
Праграму «Беларус беларусу» глядзіце на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» або ў закладцы «Праграмы» на нашай старонцы.
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS