Былому міністру эканомікі Казахстану Куандыку Бішыймбаеву вынесены прысуд па справе аб катаваннях і забойстве з асаблівай жорсткасцю ягонай жонкі Салтанат Нукенавай. Пра гэта паведамляе «Радио Азаттык».
Былы міністр эканомікі Казахстану Куандык Бішыймбаеў, абвінавачаны ў збіцці сваёй жонкі да смерці, на судовым пасяджэнні ў Астане, Казахстан. 3 красавіка 2024 года.
Фота: Turar Kazangapov / Reuters / Forum
Міжраённы крымінальны суд Астаны прызнаў былога міністра эканомікі Куандыка Бішыймбаева вінаватым паводле артыкулаў «Забойства, здзейсненае з асаблівай жорсткасцю» і «Катаванні» і прысудзіў яму 24 гады пазбаўлення волі. Разам з экс-міністрам быў асуджаны ягоны сваяк Бахытжан Байжанаў, якога прызналі вінаватым ва ўкрыцці злачынства.
Куандык Бішыймбаеў раней быў высокапастаўленым чыноўнікам, у 2016 годзе ён займаў пасаду міністра эканомікі Казахстану. Яго абвінавацілі ў карупцыі і ў 2018 годзе пакаралі 10 гадамі зняволення. Аднак прэзідэнт Казахстану скараціў яму тэрмін да 4 гадоў і ўжо ў 2019 годзе чыноўнік выйшаў на свабоду ўмоўна-датэрмінова.
9 лістапада 2023 года медыкі, якія прыбылі на выклік у рэстаран, што належыць сям’і былога міністра, канстатавалі смерць ягонай жонкі – 31-гадовай Салтанат Нукенавай. На ейным твары і целе былі шматлікія сінякі. Экс-міністр быў арыштаваны. Абвінавачанне заявіла, што Бішыймбаеў сістэматычна збіваў Нукенаву і чыніў над ёй псіхалагічны гвалт. Следства прыйшло да высновы, што прычынай смерці жанчыны сталі траўмы, нанесеныя ёй у той вечар і раней ейным мужам.
Судовы працэс выклікаў вялікі рэзананс у Казахстане. У краіне абвастрылася грамадская дыскусія наконт праблемы хатняга гвалту, адбыліся вулічныя акцыі. На фоне гэтых падзеяў улады Казахстану прынялі закон, што ўзмацняе жорсткасць пакарання за бытавы гвалт і педафілію. У народзе ён атрымаў назву «закон Салтанат».
Аб’ектыў
У Казахстане прынялі Закон аб супрацьдзеянні хатняму гвалту
2024.04.12 20:54
Глеб Нержын belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS