Цяпер беларусам нельга нават захоўваць у сябе дроны. «BELPOL» раіў іх схаваць ці зламаць

28 сакавіка ў Беларусі набыла моц забарона на захоўванне фізічнымі асобамі грамадзянскіх беспілотных лятальных апаратаў. Яе ўвялі ўказам нумар 297 ад 25 верасня 2023 года.

Здымак мае ілюстрацыйны характар.

Фота: Freepik

Адразу пасля апублікавання ўказу фізічным асобам у Беларусі было забаронена ўвозіць, эксплуатаваць і вырабляць дроны. Але яшчэ давалася паўгода на тое, каб пазбавіцца ад беспілотнікаў, перадаўшы ці прадаўшы іх арганізацыям ці ІП, або здаўшы на захоўванне ў РУП «Белаэранавігацыя».

Цяпер жа ўвоз, захоўванне, абарот, эксплуатацыя і выраб грамадзянскіх беспілотнікаў дазволеныя толькі арганізацыям і ІП у мэтах іх прадпрымальніцкай і прафесійнай дзейнасці з захаваннем патрабаванняў, устаноўленых указам.

Пасля ўведзенай забароны рукі да чужой маёмасці пачалі цягнуць праўладныя арганізацыі. Напрыклад, з боку сілавікоў з’явілася ініцыятыва «Крылы», якая стала заклікаць грамадзянаў перадаваць свае БПЛА на патрэбы збройных сілаў і іншых вайсковых фармаванняў.

На думку прадстаўніка «BELPOL» Уладзіміра Жыгара, дроны ў аніякім выпадку не варта аддаваць у рукі «бандытаў у пагонах». Бо ў выніку іх будуць выкарыстоўваць для таго, каб загнаць народ Беларусі ў «канцэнтрацыйныя лагеры».

Паводле яго, гэтыя дроны трэба схаваць так, каб да іх «не дабраліся рукі карнікаў». Каб беспілотнікі ляжалі да моманту, калі «яны спатрэбяцца». Калі няма такой магчымасці – іх трэба зламаць.

Якуб Хруст belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ