Правяранне арганізацыі харчавання ў дзіцячых садках і школах Гомельскай вобласці выявіла шматлікія парушэнні. Пра гэта паведамілі ў Генеральнай пракуратуры.
Здымак мае ілюстрацыйны характар.
Фота: БМЗ_life / Telegram
Гэтак, у некаторых дзіцячых садках Рэчыцкага раёну закупленая рыба не адпавядала ўмовам заключанай дамовы даставы. У прыватнасці, рыба не заўсёды прыходзіла ў вытрыбушаным выглядзе. На дадатак, у 2023 і 2024 гадах рыба ў адзін з дзіцячых садкоў неаднаразова паступала ў непрыдатным для харчавання выглядзе – з гельмінтозам, выкліканым паразітарнымі чарвякамі.
Па выніках правярання да дысцыплінарнай адказнасці прыцягнулі службовых асобаў раённага цэнтру забеспячэння дзейнасці бюджэтных арганізацыяў у сферы адукацыі. З дастаўцам рыбы дамова была скасаваная.
Парушэнні былі выяўленыя і ў 11 школах Гомля. Гэтак, гарбата для школьнікаў з цукровым дыябетам выстаўлялася на агульныя сталы для ўсіх, і вызначыць, у якой шклянцы не было цукру, было немагчыма.
Апроч таго, дзецям з непрыманнем лактозы давалі бульбяное пюрэ з дабаўленнем малака, а іншым навучэнцам – апельсіны, хоць лекары раілі выключыць вітамін С з іхнага рацыёну.
Выяўленыя і іншыя парушэнні санітарна-эпідэміялагічных патрабаванняў.
Нагадаем, што ў студзені вучняў менскай школы шпіталізавалі з кішачнай інфекцыяй.
Якуб Хруст belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS