У Польшчы створаць камісію па расследаванні расейскага і беларускага ўплыву ў краіне

У Польшчы будзе створаная камісія, якая зоймецца расследаваннем уплыву, які аказвала Расея і Беларусь у краіне. Пра гэта паведаміў польскі прэм’ер-міністр Дональд Туск.

Дональд Туск.

Фота: Jacek Szydlowski / Forum

Сваю заяву Дональд Туск зрабіў падчас прызначэння міністра – каардынатара спецслужбаў Томаша Семаняка на пасаду міністра ўнутраных справаў і адміністрацыі.

«Міністр Семаняк падрыхтаваў праект закона, у адпаведнасці з якім будзе створана канстытуцыйная і паспяховая камісія, якая будзе расследаваць уплыў у папярэднія гады Расеі і Беларусі на тое, што адбывалася ў Польшчы», – прыводзіць словы Туска РІА «Новости».

Польскі прэм’ер адзначыў, што пасля цырымоніі прызначэння ён наведае чарговае пасяджэнне калегіі па справах спецслужбаў, прысвечанае тэме расейскага і беларускага ўплыву. Гэта ўжо другое пасяджэнне калегіі, папярэдняе адбывалася ў сераду, 8 траўня, і было прысвечана скандалу з суддзёй Томашам Шмытам.

На сустрэчы ў сераду Дональд Туск папрасіў тады яшчэ міністра – каардынатара спецыяльных службаў Томаша Семаняка падрыхтаваць рэкамендацыі наконт паправак у заканадаўства, каб Камісія ў справе расследавання расейскага ўплыву пачала паўнавартасна працаваць.

Нагадаем, што 6 траўня польскі суддзя Томаш Шмыт выступіў на прэс-канферэнцыі ў Менску і заявіў пра намер прасіць палітычнага прытулку. Ён нібыта зазнаў палітычны пераслед на радзіме. Раней Шмыт быў замяшаны на радзіме ў «хэйтарскі скандал». Паводле Дональда Туска, сувязь збеглага суддзі Томаша Шмыта з Беларуссю мае даўнюю гісторыю.

Трэба адзначыць, што падобная камісія ўжо стварался папярэдняй кіроўнай кааліцыяй на чале з партыяй «Закон і справядлівасць», якая павінна была расследаваць расейскі ўплыў на польскую палітыку. Яе сфармавалі незадоўга да парламенцкіх выбараў, камісія засяродзілася на перыядзе папярэдняга перабывання Дональда Туска на пасадзе прэмʼер-міністра. Аднак пасля змены кіроўнай кааліцыі ў снежні 2023 года камісію распусцілі.

Раман Шавель belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ