У Літве распачатае расследаванне ў сувязі з атакаю на краму былога беларускага палітвязня

Паліцыя Літвы пачала папярэдняе расследаванне пасля атакі на краму «Kropka» былога беларускага палітвязня Дзмітрыя Фурманава ў Вільні, піша «Delfi».

Наступствы нападу на беларускую краму «Kropka» ў Вільні, Літва. 28 ліпеня 2024 года.

Фота: «Новая газета. Балтия»

Уначы 28 ліпеня хтосьці напісаў фарбаю на краме Дзмітрыя Фурманава «Вяртайцеся дадому, беларускія свінні» і разбіў вокны. Паводле прадстаўніка галоўнага камісарыяту паліцыі Віленскага павету Томаса Бражэнаса, шкоду ацанілі ў € 1000.

«На падставе факту знішчэння або пашкоджання маёмасці пачатае папярэдняе расследаванне», – сказаў Бражэнас.

Справа можа быць перакваліфікаваная ў расследаванне распальвання нянавісці ці іншую ў залежнасці ад падрабязнасцяў, што могуць быць выяўленыя.

Дзмітрый Фурманаў у размове з «Белсатам» сказаў, што гэта правакацыя, каб пасварыць літоўцаў і беларусаў.

«Насупраць нас ёсць рэстаран, у іх ёсць камера звонку, і там відаць, што чалавек разбівае шкло і потым фоткае. Выглядае як замоўленая правакацыя», – адзначыў Фурманаў.

Такое ж меркаванне выказала лідарка дэмсілаў Беларусі Святлана Ціханоўская.

«Я ўдзячная, што Літва надае высокую ўвагу бяспецы беларусаў, якія пераехалі ў Літву праз  палітычныя прычыны. Беларусам і літоўцам неабходна спыняць правакатараў разам», – падкрэсліла Ціханоўская.

Арсен Рудэнка belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ