У Беларусі павялічылася колькасць пляжаў, на якіх забаронена купацца

Органы дзяржаўнага санітарнага нагляду Беларусі абследавалі 368 зонаў рэкрэацыі, правялі 992 пробы вады, з якіх 55 не адпавядалі гігіенічным нарматывам. У выніку спіс пляжаў з абмежаваннямі па купанні пашырыўся да 28 пунктаў. У адным месцы забарону на купанне знялі.

Дзяўчыны абліваюць адна адну вадой ў вадасховішчы Дразды. Менск, Беларусь. 19 жніўня 2022 года.

Фота: Белсат

Абмежаванні ўведзеныя на наступных вадаёмах:

Берасцейская вобласць:

• прыпынена купанне дзяцей і дарослых на двух пляжах Ляхавіцкага раёну (на р.Ведзьма ў Ляхавічах, вадаёме аздараўленчага лагеру «Чайка» у в. Галавінцы).

Віцебская вобласць:

• забаронена купанне дзяцей, дарослых і заняткі воднымі відамі спорту ў Полацку (месца адпачынку на левым беразе р. Заходняя Дзвіна) і Наваполацку (зоны рэкрэацыі на р. Заходняя Дзвіна ў раёне мосту, у раёне выратавальнай станцыі па вул. Паркавая, 1А).

Гомельская вобласць:

• забаронена купанне дзяцей, дарослых і заняткі воднымі відамі спорту ў Гомлі (пляж Каскад-1), Светлагорску (пляж на р.Бярэзіна), Парычах (пляж на р.Бярэзіна), на трох зонах рэкрэацыі на р.Сож у Гомельскім раёне (на набярэжнай, а таксама ў раёне вул.Рачной п.Чонкі, у раёне садоўніцкага таварыства «Скіток-2»);
• прыпынена купанне дзяцей і дарослых на пляжы Каскад-2 Гомля;
• абмежавана купанне дзяцей у Светлагорску (пляж на беразе Светлагорскага вадасховішча), Жлобіне (пляж у раёне парку культуры і адпачынку «Прыдняпроўскі»).

Гарадзенская вобласць:

• забаронена купанне дзяцей, дарослых і заняткі воднымі відамі спорту ў сажалцы ў г.п. Вялікая Бераставіца;
• абмежавана купанне дзяцей на пляжы лесапарку «Урочышча Ласосна» на р.Нёман у Горадні.

Менская вобласць:

• прыпынена купанне дзяцей і дарослых у пляжнай зоне р.Вызенка ў г.п.Чырвоная Слабада Салігорскага раёну.

Магілёўская вобласць:

• забаронена купанне дзяцей, дарослых і заняткі воднымі відамі спорту ў Магілёве (гарадскі пляж на р. Днепр, зона рэкрэацыі сажалкі Броды), Магілёўскім раёне (пляж на р. Днепр у аграгарадку Палыкавічы), Дрыбіне (на ўчастку р.Проня ніжэй аўтамабільнага мосту), Шклоўскім раёне (гарадскі пляж на правым беразе р.Днепр паблізу лядовай арэны, пляж на сажалцы каля в.Путнікі);
• прыпынена купанне дзяцей і дарослых на Святым возеры ў Магілёве;
• абмежавана купанне дзяцей у Магілёўскім (вадасховішча ў аг.Вільчыцы), Чавускім (вадасховішча Рудзея ў раёне аг.Гарбавічы), Дрыбінскім (сажалка Запольская паблізу аг.Расна) раёнах, Горках (сажалка Верхняя).

На падставе вынікаў лабараторных даследаванняў знятыя абмежаванні ў месцы адпачынку на р. Вослеўка ля базы адпачынку «Глухарыны ток» Бялыніцкага раёну Магілёўскай вобласці.

Месцы абмежавання купання можна паглядзець на інтэрактыўнай мапе.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ