У Беларусь вяртаецца спёка вышэй за +30°С

На нядзелю 7 ліпеня ў Беларусі абвешчаны памаранчавы ўзровень небяспекі праз падвышэнне тэмпературы паветра да +32°С.

Выява мае ілюстрацыйны характар.

Крыніца: 24health.by

Белгідрамет папярэджвае пра неспрыяльную з’яву надвор’я 7 ліпеня. Уначы і раніцай у асобных раёнах будзе слабы туман. Вецер чакаецца паўднёвы, паўднёва-ўсходні ўмераны, удзень парывісты, месцамі моцны парывісты.

Па заходняй палове краіны ўдзень магчымыя кароткачасовыя дажджы, месцамі – навальніцы.

Мінімальная тэмпература паветра ўначы складзе ад +11°С па ўсходзе да +21°С па захадзе. Удзень паветра прагрэецца да +26°С.. +32°С.

У панядзелак 8 ліпеня дажджы пройдуць па большай частцы тэрыторыі Беларусі, месцамі – навальніцы і моцныя дажджы. Пры навальніцах будзе моцны парывісты вецер. Мінімальная тэмпература ўначы складзе +12°С.. +19°С. Удзень будзе назірацца моцная розніца ў тэмпературным фоне ў залежнасці ад рэгіёну: па паўночным захадзе паветра прагрэецца да +19°С, па паўднёвым усходзе – да +32°С. Падобнае надвор’е захаваецца таксама ў аўторак 9 ліпеня – па паўднёвым усходзе краіны будзе ўсё гэтак жа спякотна – +32°С.

Сярэдняя тэмпература чэрвеня 2024 года склала +18,9°С, што вышэй за кліматычную норму на 1.9°С, зазначае Белгідрамет. Па краіне назіраліся тэмпературныя анамаліі ад 1.1°С да 3.7°С, найбольшыя фіксаваліся ў Магілёўскай вобласці. Самай цёплай выдалася трэцяя дэкада месяца з анамаліяй +3.6°С.

Разам з тэмпературнымі рэкордамі ў першым летнім месяцы быў зафіксаваны і рэкорд хуткасці ветру – 24 м/с у Слаўгарадзе 20 чэрвеня.

2023 год стаў адным з самых цёплых у нашай краіне за ўсю гісторыю назіранняў за надвор’ем – сярэднегадавая тэмпература склала +8,7°С. Паводле прагнозаў навукоўцаў, у 2024 годзе можа быць зафіксаваная рэкордная спёка.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ