«У атэстат наўмысна ставіцца памылка». Як у Беларусі ствараюць перашкоды для абітурыентаў

Беларускім выпускнікам школаў у атэстатах наўмысна пішуць прозвішчы дырэктара ці завуча з памылкай, каб такім чынам перашкодзіць своечасова апастыляваць дакумент і паступіць у замежную ВНУ, распавядае «Наша Ніва».

Атэстат аб агульнай сярэдняй адукацыі, які выдаецца ў Беларусі.

Крыніца: grodnoplustv.by

Пра новы спосаб стрымаць абітурыентаў ад ад’езду за мяжу «Нашай Ніве» распавялі настаўнікі і крыніцы, чые знаёмыя сутыкнуліся з такой сітуацыяй.

«У атэстат наўмысна ставіцца памылка ў прозвішчы дырэктара ці завуча. Умоўна, была Лукашэнка, стала Лукташэнка. Або змазваецца подпіс. Школьнік прыходзіць у Мінадукацыі, яму кажуць, што такі дакумент апастыляваць не могуць – бо ў дырэктара іншае прозвішча або іншы подпіс. Таму, маўляў, атрымлівайце па-новаму і вяртайцеся», – распавядаюць крыніцы.

Выпускнік ідзе ў школу, а там аказваецца, што чалавек, які можа выправіць памылку, у адпачынку. Ці сам працэс выпраўлення ці чарга ў Міністэрства адукацыі па апастыль зацягваюцца так, што на падачу дакументаў ва ўніверсітэт за мяжу абітурыент ужо не паспявае.

«Што рабіць? Паступаць у Беларусі. У беларускіх ВНУ на сапраўднасць подпісу і памылкі ў прозвішчах увагі не звяртаюць», – тлумачыць суразмоўца «Нашай Нівы» з сістэмы адукацыі.

Прынцып, па якім абіраюцца школьнікі з нібыта выпадковымі «памылкамі» у атэстаце, невядомы. Вядома пра такія выпадкі пераважна ў школах з традыцыйна высокім працэнтам паступленняў за мяжу.

Людзі, якія сутыкнуліся з такімі перашкодамі, робяць выснову, што лепш было б выпускнікам маўчаць аб намеры паступаць за мяжу і не казаць гэтага нікому са школьных настаўнікаў, бо памылку ў атэстаце маглі зрабіць наўмысна, каб перашкодзіць паступіць за мяжу.

Настаўнікі распавядаюць, што начальства запытвае інфармацыю ў класных кіраўнікоў аб тым, ці вядома ім аб планах вучняў паступаць за мяжу, і настойліва прапануюць стрымліваць дзяцей і агітаваць іх застацца ў Беларусі.

Тым часам Міністэрства навукі і вышэйшай адукацыі сумесна з Міністэрствам народнай адукацыі Польшчы распрацавалі прапанову для ўнясенне змяненняў у закон «Аб сістэме адукацыі», якая дазволіць развязаць праблемы беларускіх грамадзянаў, звязаныя з пацвярджэннем адукацыі. Яны ў тым ліку датычаць легалізацыі дакументаў і даведак, атрыманых у Беларусі. Цяпер працэдура прыняцця новага закона знаходзіцца на завяршальнай стадыі, распавядала прадстаўніца Аб’яднагага пераходнага кабінету ў пытаннях нацыянальнага адраджэння Аліна Коўшык, якая звяртала да міністра навукі і вышэйшай адукацыі Польшчы Дарыўша Вячорка з запытам аб падтрыманне беларускіх студэнтаў.

«Ад 1 ліпеня змены ў заканадаўства ўвойдуць у жыццё. Будзем пільнаваць, каб яны працавалі і апастыль больш быў не патрэбны для паступлення ў польскія ВНУ», – адзначыла Аліна Коўшык.

Беларусь прыпыніла пагадненне з Польшчай аб супрацы ў галіне адукацыі ў лютым 2023 года. Пазней стала вядома, што ў Беларусі перасталі выдаваць даведкі для паступлення ў замежныя вышэйшыя навучальныя ўстановы.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ