Упершыню за год: у Беларусі падаражэе паліва

У Беларусі мяняецца цана паліва на аўтазаправачных станцыях. Пра гэта паведамілі ў прэс-службе «Белнафтахіма». Канцэрн анансуе вяртанне да практыкі паступовага павелічэння кошту паліва ў Беларусі на 8 капеек. 

Здымак мае ілюстрацыйны характар.

Фота: 1prof.by

Ужо з 21 мая плата за класічныя віды паліва вырасце на адну капейку. Такім чынам, за літр рознага паліва давядзецца выкласці наступныя сумы:

• АІ-92-К5-Еўра – Br2,27
• АІ-95-К5-Еўра – Br2,37
• АІ-98-К5-Еўра – Br2,59
• ДП – Br2,37.

Апошні раз кошт паліва ў Беларусі перажываў змены больш за год таму – 9 мая 2023 года.

«Каб стварыць умовы для забеспячэння бесперабойнай пастаўкі нафты і задавальнення патрэбнасці ўнутранага рынку ў якасных нафтапрадуктах, неабходна захаваць фінансавую ўстойлівасць НПЗ. Адной з такіх умоў з’яўляецца карэкціроўка цэн на маторнае паліва на ўнутраным рынку», – адзначыў старшыня канцэрна «Белнафтахім» Андрэй Рыбакоў.

Камісіяй па пытаннях дзяржаўнага рэгулявання цэнаўтварэння пры Савеце Міністраў Рэспублікі Беларусь прынята рашэнне аб правядзенні паэтапнага павышэння цэн на маторнае паліва на восем капеек. Змяненне з крокам у 1 капейку будзе праходзіць штотыдзень.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ