Кіраўніцтва Менскага гарвыканкаму летась абяцала пачаць рамонтныя працы ў Чырвоным касцёле ў першым квартале 2024 года. І хоць гэты перыяд падыходзіць да заканчэння, аніякага рамонту ў будынку не праводзіцца, паведамляе Katolik.life.
«Сілавікі» блакуюць уваход у Чырвоны касцёл у Менску. 2020 год. Крыніца
фота: «Вясна» / Telegram
«Ніякіх прыкметаў пачатку прац пакуль не назіраем, і на гэты конт нам нічога не паведамлялі. Падчас Вялікага посту парафіяне маліліся аб тым, каб гарадскія ўлады захацелі адкрыць для вернікаў касцёл на Вялікдзень», – адзначылі прыхаджане касцёлу.
Нагадаем: паводле афіцыйнай версіі Міністэрства надзвычайных здарэнняў, уночы 26 верасня 2022 года, у 03:35, у касцёле святых Сымона і Алены ў Менску спрацавала пажарная сігналізацыя. Нібыта загарэлася электраправодка і была пашкоджаная маёмасць на плошчы каля 20 кв.м. Тады практычна разам з ратаўнікамі прыбылі АМАП і Следчы камітэт, якія забралі са збудавання камп’ютары і сістэму відэаназірання.
Неўзабаве адмысловая камісія вырашыла «часова забараніць эксплуатацыю будынку», каб аднавіць працу сістэмаў пажаратушэння, электрычнага абсталявання і праводкі, абследаваць канструкцыі. Аднак вернікі падкрэслівалі, што ў выніку ўзгарання амаль нічога не пацярпела. Пасля гэтага КУП «Менская спадчына» скасавала дамову арэнды, а ад каталіцкай абшчыны запатрабавалі вызваліць будынак для правядзення рамонту. Таксама пасля пажару ў прадстаўнікоў касцёлу ўзніклі цяжкасці з уваходам у будынак, яны не маглі забраць нават свае асабістыя рэчы.
Намеснік старшыні Менгарвыканкаму Арцём Цуран заявіў у кастрычніку 2023 года, што рэканструкцыя храму нібы «вядзецца па плане, працы не спыняліся ні на адзін дзень». Паводле яго, ужо было падрыхтаваная праектная дакументацыя, і ў першым квартале 2024 года мусілі пачацца работы ў будынку. І толькі пасля іх сканчэння касцёл думаюць вярнуць вернікам.
Hавiны
Рамонтныя работы ў Чырвоным касцёле пачнуцца толькі ў наступным годзе
2023.10.25 18:16
Якуб Хруст belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS