Узбек і група падлеткаў з Украіны і Беларусі пабіліся ў Варшаве, два ўкраінцы параненыя

Удзень 22 ліпеня 25-гадовы (паводле некаторых звестак, 26-гадовы) мужчына параніў нажом групу юнакоў у Брудноўскім лесе, што ў Варшаве, расказвае «Gazeta Wyborcza». Але затрымалі і тую групу, якую падазраюць у злачынстве супраць таго, хто іх параніў. Як перадае «Polskie Radio», не выключана, што яны самі напалі на мужчыну або справакавалі канфлікт.

Паліцыя з адным з затрыманых у Брудноўскім лесе ў Варшаве, Польшча. 22 ліпеня 2023 года.

Скрыншот: TVP3 Warszawa / Tvp.pl

Адзін з бакоў канфлікту – 25-гадовы ці 26-гадовы грамадзянін Узбекістану, які, падобна, быў кур’ерам службы дастаўкі ежы, бо прыехаў у лес з фірмовым заплечнікам. Другі бок – тры грамадзяніны Украіны векам 13, 15 і 15 гадоў, а таксама 16-гадовы беларус.

Паводле крыніцы выдання «Fakt», падлеткі маглі спланаваць напад на ўзбека: той быццам чакаў спаткання з украінкаю, з якою пазнаёміўся ў «Tinder», а тая паведаміла пра гэта сябрам. «TVN Warszawa» перадае, што 13-гадовы ўдзельнік канфлікту – дзяўчына, якая, імаверна, і дамовілася з грамадзянінам Узбекістану на спатканне.

Паводле непацверджанай інфармацыі, сябры ўкраінкі напалі на ўзбека, забралі тэлефон і ключы ад машыны, але той стаў бараніцца, параніў двух нападнікаў і ўцёк. Грамадзянін Узбекістану меў нож, а ў групы падлеткаў былі, паводле большасці крыніцаў, неназваныя «небяспечныя прадметы» – «Fakt» піша, што гэта былі тэлескапічныя дручкі і сцізорыкі, якія маладзёны пасля бойкі закапалі пад зямлю, але паліцыя тыя прадметы знайшла.

У выніку бойкі два ўкраінцы атрымалі колата-рэзаныя нажавыя раны: у аднаго параненыя рукі, у другога рана ў вобласці рэбраў (лёгкія не закранутыя). Параненым дапамог парамедык, які выпадкова апынуўся побач з месцам бойкі. Грамадзянін Узбекістану ўцёк, але падчас канфлікту згубіў тэлефон, шапку, ключы ад кватэры і пачку цыгарэтаў, таму яго знайшлі цягам гадзіны.

Усіх удзельнікаў канфлікту затрымалі. Справу няпоўнагадовы будзе разглядаць суд у сямейных справах.

Алесь Наваборскі belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ