Мастак Дэ Лёс разам з «Белсатам» сочыць за галоўнымі падзеямі, які ўплываюць на жыццё беларусаў ці выклікаюць шырокі рэзананс у грамадстве. Паказваем карыкатуры на самыя важныя падзеі апошніх тыдняў.
А ці здагадаецеся без нашых падказак, пра што ідзецца ў малюнках?
27 чэрвеня Аляксандр Лукашэнка правёў шэраг кадравых зменаў, якія закранулі найвышэйшыя пасады ў беларускай уладнай сістэме. Асабліва гучнымі сталі прызначэнні новага кіраўніка МЗС, кіраўніка адміністрацыі Лукашэнкі і ягонага намесніка (ці, хутчэй, намесніцы). Сярод найбольш розгаласных стала прызначэнне новага кіраўніка МЗС, ім стаў Максім Рыжанкоў. На гэтую пасаду ён перайшоў з пазіцыі першага намесніка кіраўніка адміністрацыі Лукашэнкі і замяніў Сяргея Алейніка. Апошні, у сваю чаргу, быў прызначаны ў Савет Рэспублікі.
Важным прызначэннем стаў перавод Дзмітрыя Крутога з пасады амбасадара Беларусі ў РФ на пасаду кіраўніка адміністрацыі Лукашэнкі.
Галоўнай асаблівасцю сённяшніх прызначэнняў з’яўляецца «прынцып тасавання старой калоды», бо ў Лукашэнкі няма магчымасці знаходзіць новыя кадры. У гэтым сэнсе найбольш паказальным з’яўляецца прызначэнне на пасаду першай намесніцы кіраўніка адміністрацыі Лукашэнкі Наталлі Пяткевіч. Гэта сігнал таго, «наколькі кароткая лава запасных» у атачэнні Лукашэнкі.
Малюнак: Дэ Лёс
Для сачэння за асуджанымі ў Беларусі будуць выкарыстоўваць беспілотнікі. У калоніях адміністрацыі дазволілі выкарыстоўваць інтэграваныя сістэмы бяспекі, беспілотныя лятальныя апараты, а таксама «глушылкі» сотавай сеткі сувязі і сувязі з дронамі. Усё гэта прымяняецца для «папярэджання ўцёкаў і іншых злачынстваў, парушэнняў устаноўленага парадку адбывання пакарання, а таксама атрымання неабходнай інфармацыі аб паводзінах асуджаных».
Малюнак: Дэ Лёс
Чатырнаццаты пакет санкцыяў прыняты Еўрапейскім Звязам. Пад абмежавальныя захады трапілі расейскія кампаніі і асобы, датычныя да ваеннай агрэсіі ва Украіне. Ёсць у спісе і беларускія кампаніі. Гэтак, паводле рашэння, апублікаванага напярэдадні, Беларускае аптычна-механічнае аб‘яднанне «БелОМА», разам з гендырэктарам Аляксандрам Марозам цяпер пад пільнай увагай Еўразвязу.
У санкцыйны пакет трапіў і БРСМ. Падставаю для ўключэння прадзяржаўнай моладзевай арганізацыі стала яе датычнасць да дэпартацыі ўкраінскіх дзяцей з акупаваных Расеяй тэрыторыяў. У справе прымусовага вывазу асобна адзначылі дзяржсакратара Саюзнай дзяржавы Дзмітрыя Мезенцыва і кіраўніка БРСМ Аляксандра Лук’янава.
Малюнак: Дэ Лёс
Польшча можа закрыць апошнія два памежныя пераходы з Беларуссю, заявіў міністр замежных справаў Польшчы Радослаў Сікорскі ў эфіры TVN24 увечары 22 чэрвеня.
«У сувязі з дзеяннямі Беларусі мы разглядаем магчымасць закрыцця ўсіх памежных пераходаў. Зараз мы вывучаем, ці не нашкодзіць гэта эканоміцы», – сказаў Сікорскі.
Аналітыка
Асцярожна, межы закрываюцца. А што, калі Польшча ўсё ж зачыніць пераходы на мяжы з Беларуссю?
2024.06.27 10:25
Паводле кіраўніка польскага МЗС, намер закрыць пункты пропуску звязаны з сітуацыяй з мігрантамі на польска-беларускай мяжы.
Малюнак: Дэ Лёс
У Беларусі закрываецца яшчэ адна вышэйшая навучальная ўстанова – Інстытут прадпрымальніцкай дзейнасці. Абвестка пра гэта з’явілася на сайце інстытуту. У сярэдзіне чэрвеня стала вядома пра закрыццё адной з найстарэйшых прыватных навучальных установаў Беларусі – «БІП – Універсітэт права і сацыяльных тэхналогіяў».
Малюнак: Дэ Лёс
Дэ Лёс belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS