СМІ: у Расеі памёр брат дарадцы Зяленскага Міхаіла Падаляка

Пра смерць Уладзіміра Падаляка – брата дарадцы Уладзіміра Зяленскага Міхаіла Падаляка, паведаміла расейскае медыя «SOTA» са спасылкай на рэсурс «KIU. Russian Officers killed in Ukraine», які адсочвае смерці расейскіх вайскоўцах у вайне супраць Украіны – у акаўнце рэсурсу ў Х з’явіўся фотаздымак магілы Уладзіміра Падаляка.

Магіла Уладзіміра Падаляка.

Фота: KIU. Russian Officers killed in Ukraine / Х

Памёр брат Міхаіла Падаляка 19 траўня 2024 года, як вынікае з надпісу на шыльдзе на ягонай магіле.

«Уладзімір Міхайлавіч Падаляк, расейскі палкоўнік у адстаўцы і старэйшы брат дарадцы прэзідэнта Украіны Міхаіла Падаляка, сканаў 19 траўня 2024 года ва ўзросце 59 гадоў. Абставіны ягонай смерці невядомыя. Расейцы публічна пра гэта не паведамілі», – гаворыцца ў апісанні фотаздымку ў акаўнце «KIU. Russian Officers killed in Ukraine».

Факт смерці пацвярджаецца адкрытай маскоўскім натарыусам спадчыннай справай, зазначае «SOTA». Па медалю на фотаздымку журналісты выдання робяць выснову, што Уладзімір Падаляк служыў у расейскай выведцы. На магіле бачны вянок са стужкай «Ад калектыву ЦПС» – Цэнтру падрыхтоўкі спецыялістаў ГРУ (Галоўнага разведвальнага ўпраўлення).

У 2021 годзе Міхаіл Падаляк заяўляў, што ягоны брат – «даўно звычайны ваенны пенсіянер» і жыве ў Расеі «недзе з 1986 па 1987 гады». Сувязь з братам Міхаіл Падаляк, паводле ягоных словаў, амаль не падтрымліваў, казаў: «То бок, на дзень народзінаў магу патэлефанаваць і ўсё».

У 2019 годзе Уладзімір Падаляк быў прапісаны ў Маскве па адрасе Ваеннай акадэміі Мінабароны (вул.Народнага апалчэння, 50), якая рыхтуе кадры для ваеннай выведкі РФ, паведамляў «Вот Так».

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ