Польшча спрашчае легалізацыю дакументаў і даведак з Беларусі для атрымання адукацыі

Прадстаўніца Аб’яднагага пераходнага кабінету ў пытаннях нацыянальнага адраджэння Аліна Коўшык атрымала ад міністра навукі і вышэйшай адукацыі Польшчы Дарыўша Вячорка адказ на свой ліст з запытам аб падтрыманне беларускіх студэнтаў.

Здымак мае ілюстрацыйны характар.

Фота: belta.by

У лісце міністр адзначае, што Міністэрства навукі і вышэйшай адукацыі сумесна з Міністэрствам народнай адукацыі Польшчы распрацавалі прапанову для ўнясенне змяненняў у закон «Аб сістэме адукацыі», якая дазволіць развязаць праблемы беларускіх грамадзянаў, звязаныя з пацвярджэннем адукацыі. Яны ў тым ліку датычаць легалізацыі дакументаў і даведак, атрыманых у Беларусі. Цяпер працэдура прыняцця новага закона знаходзіцца на завяршальнай стадыі.

Міністэрства навукі і вышэйшай адукацыі таксама накіравала рэктарам рэкамендацыі, каб ВНУ не ставілі залічэнне грамадзян Беларусі ў залежнасць ад наяўнасці ў іх завераных дакументаў, і праінфармавала іх аб зменах у правілах, якія рыхтуюцца.

Акрамя таго, плануецца павялічыць да 1800 злотых памер стыпендыяў у праграме Каліноўскага, прызначанай для рэпрэсаваных студэнтаў з Беларусі.

«Ад 1 ліпеня змены ў заканадаўства ўвойдуць у жыццё. Будзем пільнаваць, каб яны працавалі і апастыль больш быў не патрэбны для паступлення ў польскія ВНУ», – адзначыла Аліна Коўшык.

Беларусь прыпыніла пагадненне з Польшчай аб супрацы ў галіне адукацыі ў лютым 2023 года. Пазней стала вядома, што ў Беларусі перасталі выдаваць даведкі для паступлення ў замежныя вышэйшыя навучальныя ўстановы.

Між тым прэзідэнт Польшчы Анджэй Дуда падпісаў папраўкі ў закон аб дапамозе грамадзянам Украіны, якія датычаць у тым ліку і беларусаў. Адна з паправак дае магчымасць пацвердзіць у Польшчы атэстат аб пачатковай, сярэдняй, няпоўнай сярэдняй і прафесійнай адукацыі краіны, якая дэнансавала пагадненні з Польшчай аб прызнанні дакументаў аб адукацыі. Раней пацвердзіць атэстат праз адпаведную працэдуру ў Польшчы маглі толькі асобы са статусам уцекача і дадатковай абаронай, уцекачы ад узброеных канфліктаў, стыхійных бедстваў і іншых гуманітарных крызісаў, а таксама іхныя блізкія.

Якуб Хруст belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ