Палітычная зняволеная Дар’я Лосік на волі

3 ліпеня стала вядома аб вызваленні палітычных зняволеных у Беларусі, сярод тых хто выйшаў на волю была Дар’я Лосік. Інфармацыя аб вызваленні Дар’і Лосік не публікавалася раней, хаця была вядомая журналістам «Белсату».

Паводле інфармацыі праваабаронцаў, 3 ліпеня на волю выйшлі 18 палітвязняў. Іх імёны да апошняга часу не называліся.

24 ліпеня «Гомельская вясна» паведаміла, што 3 ліпеня з Гомельскай жаночай калоніі, апроч Дар’і Лосік, былі вызваленыя і іншыя палітычныя зняволеныя: Тамара Астрэйка, Святлана Лупач, Кацярына Мадзянкова і Паліна Палавінка. Усе яны былі асуджаныя паводле артыкулу 342 Крымінальнага кодэксу за «Арганізацыю і падрыхтоўку дзеянняў, што груба парушаюць грамадскі парадак, альбо актыўны ўдзел у іх». Паліна Палавінка была таксама асуджаная паводле арт. 369-1 КК – «Дыскрэдытацыя Беларусі».

Дар’я Лосік паказвае фота мужа. Менск, Беларусь. 16 сакавіка 2021 года.

Фота: Белсат

Дар’я Лосік – жонка палітвязня Ігара Лосіка. Яе затрымалі 18 кастрычніка 2022 года і асудзілі на 2 гады калоніі агульнага рэжыму. Фармальна яе пазбавілі волі за «Спрыянне экстрэмісцкай дзейнасці» (ч. 1 арт. 361-4 КК РБ), якое выявілася ў каментары «Белсату» аб ейным зняволеным мужы. Дар’я актыўна выступала за вызваленне Ігара, затрыманага яшчэ да пачатку пратэстаў-2020, прапаноўвала Аляксандру Лукашэнку абмяняць сябе на вызваленне мужа, які за кратамі трымаў працяглую галадоўку і рабіў спробы самагубства. Але ў выніку Ігара не вызвалілі, а пасадзілі таксама і жонку – і не ўтойвалі, што яе пасадзілі за мужа. Маленькую дачку Дар’і і Ігара забралі на выхаванне бабуля і дзядуля. Вечарам 7 чэрвеня па дзяржаўным тэлебачанні чамусьці паказалі «інтэрв’ю» з Дар’яй, запісанае ў калоніі яшчэ вясной.

3 ліпеня таксама стала вядома пра вызваленне палітзняволенага Рыгора Кастусёва. Пра гэта журналістам паведамілі ягоныя сваякі.

Днём раней Аляксандр Лукашэнка анансаваў вызваленне цяжкахворых палітвязняў – як казаў, у асноўным, з ракавымі захворваннямі, але пакуль з тых хто мае цяжкія захворванні і ўваходзіць у гуманітарны спіс беларускіх палітзняволеных, быў вызвалены толькі Рыгор Кастусёў.

Алесь Наваборскі belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ